კიდევ ერთი კომენტარი "ვაი ექსპერტებს", "ფაიზერის" მესამე დოზა არის საჭირო - გიორგი ფხაკაძე

ჯანდაცვის ექსპერტი, პროფესორი გიორგი ფხაკაძე სოციალურ ქსელში პოსტს აქვეყნებს. 

როგორც ფხაკაძე წერს, ვაქცინის მესამე დოზის მიღება აუცილებელია. 

"პფაიზერის" მე-3 დოზა (ბუსტერი) არის საჭირო.

დაბალეფექტური ვაქცინების (ჩინურები, რუსულები და ბრიტანულიც) შემთხვევაში ბუსტერის არ შეთავაზება არის დანაშაული და გვეყოს ეს არაპროფესიონალიზმი საქართველოში

ისრაელის ვაქცინაციის კომიტეტმა მიიღო გადაწყვეტილება, ასაკოვან მოსახლეობას შესთავაზონ მესამე ბუსტერული დოზა.

60 წლის ასაკის ზემოთ სერიოზული დაავადებისგან დაცვის ეფექტი შემცირებულია 97%-დან 81%-მდე.

წინასწარი კვლევები აჩვენებს, რომ ადრეულ პერიოდში (იანვარი) აცრილი პირების დაცვის ეფექტი ფაზიერის ვაქცინაზე შემცირებულია 16%-მდე.

და კიდევ ერთი კომენტარი "ვაი ექსპერტებს" – ვაქცინაცია არ არის ერთადერთი! ვაქცინაცია არის ერთ-ერთი საშუალება სამედიცინო პირბადესთან და დისტანციასთან ერთად. ამ პანდემიის დამარცხება არის შესაძლებელი მხოლოდ მაშინ, თუ სამივე კომპონენტი არის ერთდროულად ამოქმედებული: 1. სამედიცინო პირბადე 2 წლის ასაკიდან ყველგან და ყოველთვის + 2. ხალხმრავალი ადგილებისთვის თავის არიდება და 2 მეტრიანი დისტანციის დაცვა + 3. ეფექტური ვაქცინაცია (2 დოზა 'ფაიზერი" ან დაბალეფექტური ვაქცინები+1 დოზა "ფაიზერის" ბუსტერი)

ჯანმრთელობას გისურვებთ", - წერს გიორგი ფხაკაძე.