კომაროველი ლაშა შამუგია პრინსტონის უნივერსიტეტში მექანიკურ და აეროკოსმოსურ ინჟინერიას დაეუფლება

კომაროვის სკოლის მე-12 კლასის მოსწავლე ლაშა გიორგი შამუგია  პრინსტონის უნივერსიტეტში ჩაირიცხა.

ამის შესახებ ლაშა შამუგია ფეისბუკის საკუთარ გვერდზე წერს:

„პრინსტონის უნივერსიტეტიდან (აშშ), ჩარიცხვის წერილი (acceptance letter) მომივიდა. (მექანიკური და აეროკოსმოსური ინჟინერიის მიმართულებით). 

ეს სიახლე ნამდვილად იქნება ჩემი ცხოვრების ახალი ეტაპის დასაწყისი და გულწრფელად მაქვს სურვილი, ეს იყოს ჩემი ერთ-ერთი პირველი ნაბიჯიც, რომლითაც შევძლებ ხელი შევუწყო საქართველოს განვითარებას, დასავლეთისკენ შეუფერხებლად სვლას და სწორი ღირებულებებისადმი მხარდაჭერას.

უდიდესი მადლობა ამერიკასა და პრინსტონის უნივერსიტეტს ასეთი შესაძლებლობებისთვის!

ჩემი მთავარი რჩევა კი მათთვის, ვინც ახლა გადის ამ გზას, ან მომავალში გეგმავს: ყველაფერი შესაძლებელია; მთავარია მიჰყვეთ თქვენს ოცნებებს და არ დანებდეთ არცერთი მარცხის შემდეგ  ცხადია, ამ მიზნის მიღწევა წარმოუდგენელი იქნებოდა ჩემთვის ძალიან მნიშვნელოვანი ადამიანების მხარდაჭერისა და დახმარების გარეშე.

ძალიან მადლობელი ვარ თითოეული იმ ადამიანისა თუ მასწავლებლის, რომელიც ამ 12 წლიანი თავგადასავლის განმავლობაში ყოველთვის ჩემს გვერდით იყო და მოტივაციას მაძლევდა!

და ბოლოს, უდიდესი მადლობა ჩემი მოტივაციის მთავარ წყაროს - (ალბათ ეს სიტყვები ნამდვილად არ არის საკმარისი) ჩემი ოჯახის თითოეულ წევრს იმისთვის, რომ მუდამ ჩემ გვერდით იყვნენ ამ გზაზე სიარულის დროს“, - წერს კომაროვის სკოლის მე-12 კლასის მოსწავლე ლაშა შამუგია.

ასევე საინტერესოა:

🔵 შობის დღესასწაულის გამო ცხინვალის ქუჩები გადაკეტილია

🔵 video: ქართული კინოსა და თეატრის მსახიობი ციალა გურგენიძე 84 წლის ასაკში გარდაიცვალა

🔵 ქალმა 1 130 კილომეტრი გაიარა, რომ 9 წლის შვილი აეცრა