ლამარა აბჟანდაძე: მოვუწოდებ, სანამ მთლად არ ჩაძირულა მათი ავტორიტეტი, ებრძოლოს მათ რიგებში მოკალათებულ მხეცური აზროვნების პოლიციელებს

91 წლის ქართველი ბლოგერი, ლამარა აბჟანდაძე სოციალურ ქსელ ფეისბუკში პოლიციელის მიერ გუშინ შშმ პირის ცემის ფაქტს ეხმაურება და წერს:

“არ ვიცი, როგორ უნდა უყურო პოლიციელის ქცევას, თუ ბოროტებას, თუ ბარბაროსობას, თუ რას? სიტყვაც კი ვერ მომიძებნია თუ რა დავარქვა იმ პოლიციელის აღვირახსნილ, მხეცურ ცემას შრომისუნარ შეზღუდულ მოქალაქეზე, რომელიც მეტროში მოხდა.

მე დავკარგე შეხედულება საერთოდ პოლიციელებზე.

ამას მაფიქრებინებს სხვა პოლიციელების დუმილი მომხდარზე, ან თუნდაც დღევანდელ აქციაზე პოლიციელთა მიერ დაპატიმრებები უბრალო მოქალაქეებისა.

იმის მაგივრად, რომ პოლიციამ თვითონ გამოააშკარაოს დამნაშავე პოლიციელი, პირიქით იცავს ასეთ დამნაშავეებს.

მე მოვუწოდებ პოლიციას, სანამ მთლად არ ჩაძირულა მათი ავტორიტეტი, მანამ თვითონვე ებრძოლოს მათ რიგებში მოკალათებულ მხეცური აზროვნების პოლიციელებს", - წერს ბლოგერი.

მედიაში გუშინ, 24 იანვარს გავრცელდა ვიდეო, რომელიც თბილისის მეტროშია გადაღებული. ვიდეოში ჩანს, როგორ ურტყამს პოლიციელი ახალგაზრდა კაცს, რომელიც გავრცელებული ინფორმაციით, შეზღუდული შესაძლებლობების მქონე პირია.

შეზღუდული შესაძლებლობების მქონე არასრულწლოვანზე ძალადობის საქმეზე  შსს-ს 2 თანამშრომელი გავრცელებული შემზარავი კადრების შემდეგ დღეს 25 იანვარს დააკავეს.

ამავე თემაზე:

🔳 ტრამვირებულია, დაზიანებები აღენიშნება - როგორია ბიჭის მდგომარეობა, რომელიც პოლიციელმა სასტიკად სცემა

🔳 შინაგან საქმეთა სამინისტროსთან აქციაზე ნატა ფერაძე დააკავეს