ლევან მაჭავარიანი: ძალიან კარგია, რომ ახლა ამერიკის შეერთებულმა შტატებმა დემოკრატიის ლექციები ჩაუტარა ევრობიუროკრატებს, ისევე, როგორც ბატონმა ჯეი დი ვენსმა წლის დასაწყისში

„ძალიან კარგია, რომ ახლა ამერიკის შეერთებულმა შტატებმა დემოკრატიის ლექციები ჩაუტარა ევრობიუროკრატებს, ისევე, როგორც ბატონმა ჯეი დი ვენსმა წლის დასაწყისში“, - განაცხადა ფრაქცია „ქართული ოცნების“ თავმჯდომარის მოადგილე ლევან მაჭავარიანმა „ქრონიკასთან“.

დეპუტატი იმ ინფორმაციას ეხმაურება, რომლის თანახმადაც შეერთებული შტატების კრიტიკის შემდეგ, ევროპული საბჭოს პრეზიდენტი და ევროკომისიის ვიცე-პრეზიდენტი შიდა საქმეებში ჩარევას აპროტესტებენ.

„ძალიან კარგია, რომ ყველაფერი ასე დაუტრიალდათ იქიდან გამომდინარე, რომ ბოლო 4 წლის განმავლობაში შევახსენებ საზოგადოებას როგორ უხეშად ერევიან ევრობიუროკრატები ჩვენს შიდა საქმეებში, მართლმსაჯულებაში. გვკარნახობენ რა კანონი უნდა მივიღოთ, რა კანონი - არა. აგზავნიან აქ დელეგაციებს, საგარეო საქმეთა მინისტრებს ანტისამთავრობო მიტინგებზე და ეს არის ყოვლად დაუშვებელი.

ძალიან კარგია, რომ ახლა ამერიკის შეერთებულმა შტატებმა დემოკრატიის ლექციები ჩაუტარა ევრობიუროკრატებს, ისევე, როგორც ბატონმა ჯეი დი ვენსმა წლის დასაწყისში, როდესაც მისი ცნობილი გამოსვლა იყო“, - აღნიშნა მაჭავარიანმა.

შეერთებული შტატების კრიტიკის შემდეგ, ევროპული საბჭოს პრეზიდენტი და ევროკომისიის ვიცე-პრეზიდენტი შიდა საქმეებში ჩარევას აპროტესტებენ. ახლა ანტონიუ კოშტა და კაია კალასი ირწმუნებიან, რომ ქვეყნის შიდა საქმეებში არ ერევიან და რომ ჩარევა ცუდია. საქართველოს მაგალითი კი საპირისპიროს აჩვენებს. კალასის არაერთი განცხადებაა, რომლებიც სწორედ ჩვენი ქვეყნის შიდა საქმეებში ჩარევას ადასტურებს. პოლიტიკური შეფასებები კეთდება თბილისში.