ლევან მაჭავარიანი საკონსტიტუციო სარჩელზე: ვასრულებთ მოსახლეობის დაკვეთას და ეს იყო ერთ-ერთი წინასაარჩევნო დაპირება, პოლიტიკურად ისინი ქართველი ხალხის გვერდში დგომით - გავანულეთ

მომდევნო კვირიდან საკონსტიტუციო სასამართლო ხუთი ოპოზიციური სუბიექტის აკრძალვის საკითხზე პირველ სხდომას გამართავს.

უმრავლესობა „ნაციონალური მოძრაობის“, „ახალის“, „ლელოს“, „ფედერალისტებისა“ და პარტია „საქართველოსთვის“ კანონგარეშედ გამოცხადებას ითხოვს.

ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი აცხადებს, რომ ყველაფერს სამართლებრივი სახე უნდა მიეცეს.

„ზოგს ხელი აქვს ჩაქნეული, ზოგი მაინც რაღაცა შოუს დადგმას აპირებს, ნუ ეს თავიდან ბოლომდე მათი გადასაწყვეტია. ჩვენ ამ შემთხვევაში ვასრულებთ ჩვენი მოსახლეობის დაკვეთას და ეს იყო ჩვენი ერთ-ერთი წინასაარჩევნო დაპირება, პოლიტიკურად ჩვენ ისინი ქართველი ხალხის გვერდში დგომით - გავანულეთ.

თუმცა ამ შემთხვევაში აუცილებელია, რომ სამართლებრივი შეფასებაც მიეცეს პოლიტიკურის გარდა მათ იმ მავნე ქმედებებს, რომელსაც ერთის მხრივ ნაციონალური მოძრაობა, რა თქმა უნდა, იმ 9 წლის განმავლობაში აკეთებდა იმ დანაშაულებისთვის გასამართლდეს, ხოლო მეორეს მხრივ მთლიანად ეს აგენტურული ოპოზიცია, რასაც აკეთებს ამ 14 წლის განმავლობაში, როდესაც მუდმივად საბოტაჟირების და რყევის პროცესში ამყოფებს ჩვენს ქვეყანას.

თუ რატომ არიან ისინი კოლექტიური „ნაცმოძრაობა“ და ერთიანი ძალას რატომ წარმოადგენენ და თუ როგორ იმართებიან ისინი ყველანი ჯამში უცხოეთიდან თავიანთი გარე პატრონების მხრიდან, ამას რა თქმა უნდა სასამართლო პროცესზე ჩვენი მოქალაქეები კიდევ ერთხელ მოისმენენ“, - აცხადებს ლევან მაჭავარიანი.