მაკა ბოჭორიშვილი: დიდი ხანია, მივანიშნებთ ევროკავშირის ბიუროკრატიაში არსებულ პრობლემებზე, საქართველო იყო კარგი მაგალითი, რომ დაგვენახა, რა პრობლემების წინაშე დგას ევროკავშირის ბიუროკრატია

„დიდი ხანია, მივანიშნებთ ევროკავშირის ბიუროკრატიაში არსებულ პრობლემებზე, საქართველო იყო კარგი მაგალითი, რომ დაგვენახა, რა პრობლემების წინაშე დგას ევროკავშირის ბიუროკრატია“, - განაცხადა საქართველოს საგარეო საქმეთა მინისტრმა, მაკა ბოჭორიშვილმა.

მისი თქმით, მნიშვნელოვანია, რომ საქართველოსთვის, რომელსაც აქვს ევროპული მისწრაფებები, იხილოს ევროპა, რომელიც არის სწორედ იმ ღირებულებებზე დაფუძნებული, რომელიც ხელმძღვანელობს სწორედ იმ ღირებულებებით, რა ღირებულებებზეც შეიქმნა.

„საკმაოდ დიდი ხანია, მივანიშნებთ ევროკავშირის ბიუროკრატიაში არსებულ პრობლემებზე, რაც გამოჩნდა საქართველოსთან ურთიერთობებში. საქართველო იყო კარგი მაგალითი, რომ დაგვენახა, ჩვენს საზოგადოებას, და არამხოლოდ ჩვენს საზოგადოებას, დაენახა ის პრობლემები, რის წინაშეც დგას დღევანდელი ევროკავშირის ბიუროკრატია. დღეს ამ თემებზე უკვე ბევრი საუბრობს.

ჩვენ მოვისმინეთ ასევე ამერიკის შეერთებული შტატების პრეზიდენტის მხრიდან კრიტიკა, ეს არის ის თემა, რომელზეც უნდა დაფიქრდეს ევროპული საზოგადოება. რა თქმა უნდა, ჩვენთვის, ქვეყნისთვის, რომელსაც აქვს ევროპული მისწრაფებები, მნიშვნელოვანია, ვიხილოთ ევროპა, რომელიც არის სწორედ იმ ღირებულებებზე დაფუძნებული, რომელიც ხელმძღვანელობს სწორედ იმ ღირებულებებით, რა ღირებულებებზეც შეიქმნა“, - აღნიშნა ბოჭორიშვილმა.