"მანდატის შეწყვეტის შემთხვევაში, გადაწყვეტილება პოლიტიკური დევნის ახალი ტალღა იქნება და შესაბამისად ვიმოქმედებ" - ბადრი ჯაფარიძე

„ლელოს“ ერთ-ერთი ლიდერი, ბადრი ჯაფარიძე აცხადებს, რომ სამართლებრივად არანაირი საფუძველი არ არსებობს იმისა, რომ მას პარლამენტმა სადეპუტატო უფლებამოსილება შეუწყვიტოს.

"დაველოდოთ „ქართული ოცნების“ გადაწყვეტილებას.

ნათელია, რომ სამართლებრივად არანაირი საფუძველი არ არსებობს. დაველოდოთ, რას გადაწყვეტს „ქართული ოცნება“.

ჩემი მანდატი თუ შეწყდება, ეს იქნება პოლიტიკური დევნის ახალი ტალღა, ვიმოქმედებ შესაბამისად, წინასწარ რაიმე პროგნოზის გაკეთება არ მინდა.

სამი წელიწადია, მიმდინარეობს სასამართლო დევნა, ესეც ამ დევნის გაგრძელებაა.

სამწუხაროდ, საპროცედურო კომიტეტის გადაწყვეტილებაც არის იგივე. დაველოდოთ, თვითონ სხდომაზე რა გადაწყვეტილება იქნება მიღებული“, – განაცხადა ბადრი ჯაფარიძემ.

ბადრი ჯაფარიძისთვის სადეპუტატო უფლებამოსილების შეწყვეტის საკითხზე უკვე იმსჯელა პარლამენტის საპროცედურო საკითხთა კომიტეტმა. კომიტეტს მიზანშეწონილად მიაჩნია, რომ ბადრი ჯაფარიძეს სადეპუტატო უფლებამოსილება შეუწყდეს. კომიტეტის დასკვნა 14-18 თებერვლის კვირაში პლენარულ სხდომას წარედგინება. გადაწყვეტილების მიღება პლენარულ სხდომაზე დამსწრეთა უმრავლესობით მოხდება.

სხვა სიახლეები:

🔳 ჩემი პროფესია ჩემი თვალია, თვალი აღარ მაქვს იმისთვის, რომ ჩემი საქმე შევასრულო - 5 ივლისს დაზარალებული ოპერატორი

🔳 „ჩემი მზის სხივი გაქრა ... მე ხომ არც ერთი დღე არ მიცხოვრია მის გარეშე დედამიწაზე” - სანდრა რულოვსს დედა გარდაეცვალა