"მე არაფერში მჭირდება ტილიანი თანამდებობები საქართველოში" - მიხეილ სააკაშვილი

"მე არაფერში მჭირდება ტილიანი თანამდებობები საქართველოში, მაგრამ მე მჭირდება დიდი, განსაკუთრებული და არა ტილიანი საქართველო", – ამის შესახებ საქართველოს მესამე პრეზიდენტმა მიხეილ სააკაშვილმა თბილისის საქალაქო სასამართლოში განაცხადა, სადაც მისი ბრალდების საქმეზე, რომელიც სქართველოს საზღვრის უკანონო კვეთას ეხება, პროცესი მიმდინარეობდა.

სააკაშვილის თქმით, ის „თანამდებობების ხამი“ არ არის.

"მინდა შეგახსენოთ, რომ შარშან ამ დროს მე წარმადგინეს უკრაინის ვიცე-პრემიერობაზე, რაზედაც 3-4 დღეში იმის გამო, რომ რაღაც კომპრომისებზე გვიწევდა წასვლა, ვთქვი უარი.

ევროპის ყველაზე დიდ ქვეყანაში მნიშნავდნენ მთავრობის თავმჯდომარედ.

მე არაფერში არ მჭირდება ტილიანი თანამდებობები საქართველოში, მაგრამ მე მჭირდება დიდი და განსაკუთრებული, არა ტილიანი საქართველო, არა გაუბედურებული, არა გაღარიბებული და არა მიწასთან გასწორებული

ჩემმა ჩამოსვლამ საქართველოში მოიტანა ის, რომ ოპოზიცია ერთიანია, როგორც არასდროს", – განაცხადა სააკაშვილმა.

მიხეილ სააკაშვილმა დღევანდელ პროცესზე სიტყვის უფლებით ისარგებლა, სადაც საათ-ნახევრის განმავლობაში სხვადასხვა საკითხზე ისაუბრა.

ცნობისთვის, მსჯავდებულ ექსპრეზიდენტ მიხეილ სააკაშვილს საქართველოში პატიმრობა მისჯილი აქვს ორ საქმეზე: სანდრო გირგვლიანის მკვლელობაში ბრალდებულების შეწყალებისა და დეპუტატ ვალერი გელაშვილის ცემის საქმეზე. გარდა ამისა, მის წინააღმდეგ კიდევ რამდენიმე საქმეა აღძრული, მათ შორის, სახელმწიფო ქონების გაფლანგვის - ე.წ. პიჯაკების საქმე და 2007 წლის 7 ნოემბერს აქციის ძალის გადამეტებით დაშლის საქმეზე.

ამავე თემაზე:

🔳  ეს დარბაზი ჩემი აშენებულია, დროშა, რომელიც თქვენს უკან არის, ჩემი გაკეთებულია, ეს სკამი, რომელზეც ზიხართ, ჩემი დადგმულია, ეს აუდიტორიაც ჩემი გაკეთებულია, ეს გალიაც ჩემი აშენებულია - მიხეილ სააკაშვილი მოსამართლეს

🔳  თქვენ ისეთივე სასამართლო ხართ, როგორც მე ვარ ასტრონავტი - მიხეილ სააკაშვილი მოსამართლეს

🔳  დავავადდი მძიმე ნევროლოგიური დაავადებით, რომელიც ცხოვრებისეულ ფუნქციაში ხელს მიშლის - მიხეილ სააკაშვილი