ნეო პეკეს რელაქსი - მედიკამენტი, რომელიც ბავშვებს შფოთვის მოხსნაში ეხმარება

ნეო პეკესი (Neo Peques) ესპანური კომპანიის - Neovital Health-ის საბავშვო პროდუქციის ხაზს წარმოადგენს. ის აერთიანებს ნატურალური პროდუქტების ფართო და მრავალფეროვან ასორტიმენტს, რომელიც ბავშვთა ორგანიზმის გაძლიერებასა და დაცვას უწყობს ხელს.

ნეო პეკესის პროდუქციაში გვხვდება მედიკამენტები სახელწოდებებით: SUERO +, პრობიოტიკი, ომეგა 3, რელაქსი, კალციუმი, კრესიმიენტო, აპეტიტო და ა. შ. დღეს კი ერთ-ერთი მათგანის - ნეო პეკეს რელაქსის შესახებ ვისაუბრებთ, რომელიც პსპ-ს სააფთიაქო ქსელშია ხელმისაწვდომი.

რა არის ნეო პეკეს რელაქსი და რისთვის გამოიყენება ის? 

ამ მედიკამენტის შემადგენლობაში შემავალი მცენარეთა ექსტრაქტები ბავშვს ათავისუფლებს ფსიქიკური გადაღლილობისთვისა და ნევრასთენიისთვის დამახასიათებელი დაძაბულობისგან, გაღიზიანებადობისგან, ნერვული სისტემის სპაზმისგან.

ნეო პეკეს რელაქსი (Neo Peques Relax) არის საბავშვო სიროფი, რომელიც დამზადებულია მცენარეებისგან, როგორებიც არის ლიმონის ბალზამი, პასიფლორა და გვირილა. მედიკამენტი ასევე შეიცავს საკვებ ნივთიერებებს - მაგნიუმი და ვიტამინი B6 - რომლებიც ტრადიციულად ნერვიულობის, მოუსვენრობისა და გაღიზიანების დროს გამოიყენება. ეს ელემენტები ნერვული აგზნებისა და ჰიპერაქტიურობის შესამცირებელ ბუნებრივ საშუალებებს წარმოადგენს.

უფრო დეტალურად რომ განვიხილოთ, ნეო პეკეს რელაქსის ანოტაციის მიხედვით, მედიკამენტი შემდეგი ჩვენებებისას გამოიყენება:

● ფსიქო-ემოციური გადაძაბვა

● სხვადასხვა სახის შფოთვითი მდგომარეობა, რომელიც გამოწვეულია გადაღლილობით, გაღიზიანებადობით, შიშით ან სტრესული სიტუაციით

● მოუსვენრობა და მსუბუქი დეპრესია

● მომატებული ნერვული აღგზნებადობა, რომელიც სკოლისა და ბაღის ასაკის ბავშვებში ადაპტაციის ეტაპზე ვლინდება, ხოლო უფრო მცირე ასაკში - აცრის შემდგომ პერიოდში

როგორია მედიკამენტის მოხმარების წესი და სწორი დოზირება?
გამოყენებამდე ფლაკონი შეანჯღრიეთ, გახსნის შემდეგ კი ის მაცივარში, ბავშვებისთვის მიუწვდომელ ადგილას, თავდახურულ მდგომარეობაში შეინახეთ და მოიხმარეთ არაუმეტეს ერთი თვის განმავლობაში.

გაითვალისწინეთ: ბუნებრივი ნივთიერებების შემცველობიდან გამომდინარე, სიროფის ფერის ან გემოს ცვლილებები ნორმალურია და ეს პროდუქტის ხარისხზე არ ზემოქმედებს.

ინსტრუქციის მიხედვით, ნეო პეკეს რელაქსის სწორი დოზირება ასეთია:

● 0-2 წლის ბავშვებში: 5 მლ დღეში ერთხელ

● 2-5 წლის ბავშვებში: 5 მლ დღეში ორჯერ ან 10 მლ დღეში ერთხელ

● 5+ ბავშვებში: 10 მლ დღეში ორჯერ

გაფრთხილება: დღიურ რეკომენდებულ დოზას არ უნდა გადააჭარბოთ.

ამასთან, საგულისხმოა, რომ მედიკამენტი კვებისგან დამოუკიდებლად, მიიღება და მკურნალობის კურსი 1 თვეს შეადგენს.

რა უკუჩვენებები აქვს პრეპარატს? 

ნეო პეკეს რელაქსის ანოტაციაში ვკითხულობთ, რომ ის არ უნდა მიიღონ იმ ბავშვებმა, რომლებსაც მედიკამენტის შემადგენლობაში არსებული ინგრედიენტების მიმართ მომატებული მგრძნობელობა აღენიშნებათ.