ნინო წილოსანი ონლაინ მედიებზე: ჩვენ ძალიან კარგად ვიცით, რომ ეს ორგანიზაციები არიან ინსტრუმენტი უცხო გავლენის ხელში, რომლებსაც მთელი ამ პერიოდის განმავლობაში ვალდებულება ჰქონდათ, რომ ზიზღი და შუღლი გაევრცელებინათ

ნინო წილოსანი რამდენიმე ონლაინ მედიასაშუალების მიერ სომხეთის პრემიერ-მინისტრის ვიზიტის გაშუქებას ეხმიანება. პარლამენტის ვიცე-სპიკერი მიიჩნევს, რომ ამ მედიასაშუალებების მიერ ნიკოლ ფაშინიანის სომხეთის პრემიერად, ხოლო ირაკლი კობახიძის „ქართული ოცნების“ პრემიერად“ მათი დამფინანსებლების დაკვეთაა.

„ჩვენ ძალიან კარგად ვიცით, რომ ეს ორგანიზაციები არიან ინსტრუმენტი უცხო გავლენის ხელში, რომლებსაც მთელი ამ პერიოდის განმავლობაში ვალდებულება ჰქონდათ, რომ ზიზღი და შუღლი გაევრცელებინათ, მათ შორის სახელმწიფო ინსტიტუტებისა და პირების დისკრედიტაცია განეხორციელებინათ. ვინც აფინანსებდა, ის უკვეთავდა მუსიკას. სწორედ ამ მუსიკას უკრავდნენ მთელი ამ პერიოდის განმავლობაში „ნეტგაზეთი“ იქნება ეს თუ ყველა ის სხვა ონლაინ მედიასაშუალება, რომელიც საქართველოს ინსტიტუციებისა და საქართველოს ხელისუფლების წარმომადგენლების დისკრედიტაციას ეწეოდნენ. ამიტომ, ისინი საკუთარ თავს ნამდვილად არ ეკუთვნიან. ვინც აფინანსებს, მათი მხრიდან არის დაკვეთილი ეს პოლიტიკაც, რომელსაც საქართველოს წინააღმდეგ იყენებენ“, - განაცხადა წილოსანმა.

„პუბლიკა“, „on.ge“ და „ნეტგაზეთის“ ნიკოლ ფაშინიანს სომხეთის პრემიერ-მინისტრად მოიხსენიებენ, საქართველოს ხელისუფლების წარმომადგენლებს კი „ ქართული ოცნების“ მინისტრებად“.