"როდესაც ვინმე ბედავს და წამებაზე საუბრობს, თვითონ, ხომ არ ახორციელებენ მორალურ ტერორს და იქით ხომ არ აიძულებენ პატიმარ სააკაშვილს შიმშილობა არ შეწყვიტოს?"- რატი ბრეგაძე ოპოზიციაზე

"კონსილიუმის არც ერთ დასკვნაში არც ერთში, ხაზგასმით ვამბობ - არ ყოფილა საუბარი, რომ მიხეილ სააკაშვილს ესაჭიროება გადაუდებელი ჰოსპიტალიზაცია და მით უმეტეს სამოქალაქო კლინიკაში", - ამის შესახებ იუსტიციის მინისტრმა ტელეკომპანია "რუსთავი 2"-ის ეთერში განაცხადა.

როგორც ბრეგაძემ განაცხადა, პენიტენციური სამსახური ხელმძღვანელობდა, ხელმძღვანელობს და მომავალშიც იხელმძღვანელებს ნებისმიერი პატიმრის ჯანმრთელობის და უსაფრთხოების ინტერესების მაქსიმალური გათვალისწინებით.

"რა იგულისხმება არაადამიანურ მოპყრობაში?? ის, რომ ამ პატიმარს 130-ზე მეტი ვიზიტორის ნახვის შესაძლებლობა აქვს? ის, რომ შეუზღუდავად შედიან ადამიანები? არამხოლოდ ის უფლებები, რომლის დაცვის ვალდებულება გვაქვს ჩვენ და რომელშიც არ უნდა ჩავერიოთ, არამედ პირიქით პოზიტიური გაგებით შევეცადეთ, რომ მაქსიმალურად მისი უფლებების სრულად რეალიზაცია მოხდეს, ეს არის წამება? პენიტენციური სამსახური ხელმძღვანელობდა, ხელმძღვანელობს და მომავალშიც იხელმძღვანელებს ნებისმიერი პატიმრის ჯანმრთელობის და უსაფრთხოების ინტერესების მაქსიმალური გათვალისწინებით.

რაც შეხება კერძო და სამოქალაქო კლინიკებს, რომელიც მართლა ამ სიტყვის პირდაპირი მნიშვნელობით არის აკვიატებული ტერმინი ოპონენტების მხრიდან და საუბრობენ იმაზე, თითქოს ეს კონსილიუმმა თქვა.

კონსილიუმის არც ერთ დასკვნაში არცერთში, ხაზგასმით ვამბობ, რომ არ ყოფილა საუბარი რომ მიხეილ სააკაშვილს ესაჭიროება გადაუდებელი ჰოსპიტალიზაცია და მით უმეტეს სამოქალაქო კლინიკაში.

ბუნებრივია ჩნდება განცდა, იმისა, რომ ეს ხალხი, რომელიც საუბრობს სამოქალაქო კლინიკაზე, ცდილობენ რაიმე ფორმით მოხდეს ამ ადამიანის გაყვანა სამოქალაქო კლინიკაში, ბუნებრივია იქ მის უსაფრთხოებას დასჭირდება ბევრად მეტი ძალა სახელმწიფოს მხრიდან და შეეცდებიან იქ მოაწყონ პროვოკაცია", - განაცხადა იუსტიციის მინისტრმა.

როგორც ბრეგაძემ აღნიშნა, ვრცელდება არაერთი ტყუილი, ხოლო ოპოზიცია თავად ძალადობს პატიმარ სააკაშვილზე.

"თითქოსდა საუბარი იყო გორის ჰოსპიტალზე, თითქოსდა ოსურ დაჯგუფებას უნდა გაეტაცებინა... ერთხელ და სამუდამოდ უნდა შეეშვას ეს ხალხი ამ ზღაპრებს.

გავრცელდება ტყუილი? - მუდამ ვუპასუხებთ საზოგადოებას სიმართლით.

როდესაც ვინმე ბედავს და წამებაზე საუბრობს, თვითონ, ხომ არ ახორციელებენ მორალურ ტერორს და იქით, ხომ არ აიძულებენ პატიმარ სააკაშვილს შიმშილობა არ შეწყვიტოს? როდესაც ღია ეთერებში მოუწოდებენ, რომ არ გაბედოს თორემ, როგორც პოლიტიკოსი განადგურებული იქნება.

როგორც შემდეგ ვიღაც პოლიტიკოსები აცხადებენ კონტრ-შიმშილობას, იმისთვის, რომ ის გადაყვანილ იქნეს სამოქალაქო კლინიკაში, რის საფუძველზე აცხადებენ? ბუნებრივია შიმშილი მათი უფლებაა, ამაში ჩვენ ვერ ჩავერევით, მაგრამ რა თქმა უნდა ეს ყველაფერი განპირობებულია იმ სურვილით, რომ საზოგადოებაზე მორალური ტერორი განახორციელონ და არ ცნონ არჩევნების შედეგები.

"ნაციონალურმა მოძრაობამ" არჩევნები წააგო, 63:1-ის წინააღმდეგ.

დაასრულონ ამ პატიმრის გამოყენება საკუთარი პოლიტიკური მიზნებისთვის, ისნის თავად ძალადობენ პატიმარ სააკაშვილზე", - განაცხადა იუსტიციის მინისტრმა.

ასევე დაგაინტერესებთ:

რატი ბრეგაძე: მიხეილ სააკაშვილი სხვადასხვა სახის ფაფებს და ნატურალურ წვენებს იღებს, ამის მყარი მტკიცებულებები გაგვაჩნია