„როცა ამას აკეთებს პოლიციელი ეს ნიშნავს რომ გვაქვს სისტემის მხრიდან სიძულვილის მოტივით ჩადენილი დანაშაული“ - ანა არგანაშვილი

„პარტნიორობა ადამიანის უფლებებისთვის“  აღმასრულებელი დირექტორი ანა არგანაშვილი პოლიციელის მხრიდან შეზღუდული შესაძლებლობის მქონე მოზარდის ცემისა და წამების ფაქტს სოციალურ ქსელში ეხმაურება:

„როდესაც მოძალადემ იცის რომ მსხვერპლი დაუცველია და ზუსტად ამის გამო ირჩევს მას მსხვერპლად ეს არის, დისკრიმინაციული დანაშაული, სიძულვილის მოტივით ჩადენილი დანაშაული.

სიძულვილის მოტივით ჩადენილი დანაშაული ანუ hate crime, მართლა მარტო იმას კი არ ნიშნავს რომ გეზიზღება ადამიანი განსხვავებულობის გამო, იმასაც ნიშნავს რომ მისი განსხვავებულობის გამო ჩაგრავ.

როცა ამას აკეთებს პოლიციელი ეს ნიშნავს რომ გვაქვს სისტემის მხრიდან სიძულვილის მოტივით ჩადენილი დანაშაული.

ასეთივე დანაშაულებს ჩადის სისტემა სხვა მოწყვლადი ჯგუფების მიმართ. იქნება ეს ლგბტ თემი, ქალები და სხვა.

განსხვავებულია, სუსტია, ღარიბია,არავინ დაიცავს, დავჩაგროთ - ეს არის მთავარი თემა აქ.

ვიდეოში ისმის:“ყრუ-მუნჯია, ვერ ლაპარაკობს”  „ახლა ავალაპარაკებ ”შშმ ბავშვი, რომელსაც არ ესმის და ლაპარაკი არ შეუძლია პოლიციელმა უნდა “აალაპარაკოს” ცემით.

ეს არის სახელმძღვანელოში ჩასაწერი მაგალითი შეზღუდული შესაძლებლობის ნიშნით სიძულვილის მოტივით ჩადენილი დანაშაულისა.“, - წერს ანა არგანაშვილი ფეისბუკის საკუთარ გვერდზე.

ასევე საინტერესოა:

🔵 შსს-სთან აქციის მონაწილეებსა და სამართალდამცველებს შორის სიტყვიერი დაპირისპირება მოხდა

🔵 საქართველო ცნობილ ქართველ მშვილდოსანს, ოლიმპიურ ჩემპიონს ქეთევან ლოსაბერიძეს ემშვიდობება

🔵 საქართველოში „ომიკრონის“ BA.2 შტამიც ვრცელდება - ამირან გამყრელიძე