შალვა პაპუაშვილი: ექსპერტების მიერ დათვლილია, რომ ჩვენ რომ დაგვეჯერებინა ბრიუსელისთვის, დაგვეწესებინა სანქციები და ა.შ, საქართველოში 10%-ზე ეკონომიკური ვარდნა გვექნებოდა, იმაზე მეტი, ვიდრე იყო პანდემიის დროს. გვექნებოდა 90-იანი წლების შედეგი

ექსპერტების მიერ დათვლილია, რომ ჩვენ რომ დაგვეჯერებინა ბრიუსელისთვის, დაგვეწესებინა სანქციები, ჩაგვეკეტა საზღვრები და ა.შ, საქართველოში 10%-ზე ეკონომიკური ვარდნა გვექნებოდა, იმაზე მეტი, ვიდრე იყო პანდემიის დროს. საერთო ჯამში გვექნებოდა 90-იანი წლების შედეგი, - განაცხადა პარლამენტის თავმჯდომარემ შალვა პაპუაშვილმა.

ჟურნალისტმა ჰკითხა, რას ნიშნავს მისთვის ის ფაქტი, რომ 2025 წლის იანვარ-აგვისტოში საქართველოში საგარეო სავაჭრო ბრუნვამ 16 250.8 მლნ აშშ დოლარი შეადგინა, რაც წინა წლის შესაბამის პერიოდთან შედარებით, 8.8%-ით მეტია.

„ეს აჩვენებს უპირველეს ყოვლისა ჩვენი ხელისუფლების და პოლიტიკის სისწორეს. მაშინ, როდესაც დაღმასვლაა ყველგან, ეკონომიკური კრიზისის წინაშე დგას ბევრი ევროპული ქვეყანა, აქვთ გამოწვევები ეკონომიკის მხრივ, საქართველოს ეკონომიკა იზრდება. ეს იმიტომ ხდება, რომ არ დავუჯერეთ ბრიუსელს.

ჩვენ რომ ბრიუსელისთვის დაგვეჯერებინა, დღეს საქართველო იქნებოდა ეკონომიკურ კოლაფსში. ექსპერტების მიერ დათვლილია, რომ ჩვენ რომ დაგვეჯერებინა ბრიუსელისთვის, დაგვეწესებინა სანქციები, ჩაგვეკეტა საზღვრები და ა.შ, საქართველოში 10%-ზე ეკონომიკური ვარდნა გვექნებოდა, იმაზე მეტი, ვიდრე იყო პანდემიის დროს. საერთო ჯამში გვექნებოდა 90-იანი წლების შედეგი. ასე ცივსისხლიანად, ჩვენი მოქალაქეების ინტერესების უგულებელყოფით გვაგდებდნენ ეკონომიკური კრიზისის უფსკრულში და დიდი ალბათობით, ახალ ომში“, - აღნიშნა პაპუაშვილმა.