"შიმშილს იწყებენ პრეზიდენტის ინიციატივის პარალელურად, რაც ზეწოლაა პრეზიდენტზეც და საზოგადოებაზეც, ჯერ შავი სიები გამოფინონ, 9 წლის მანძილზე რომ ადგენენ"- ამირან სალუქვაძე

თადარიგის გენერალი, პოლიტიკის ანალიტიკოსი ამირან სალუქვაძე "ნაციონალური მოძრაობის" მიერ საყოველთაო შიმშილობის გამოცხადებას სოციალურ ქსელ ფეისბუკში ეხმაურება.

"რაც გავრცელდა 2 საათის წინ, ყველამ იშიმშილეთ, თუ არა და დაფინანსებას შეგიწყვეტთო, მართალი ყოფილა.

მასობრივი შიმშილი გამოაცხადეს.

შიმშილს იწყებენ პრეზიდენტის ინიციატივის პარალელურად, რაც ზეწოლაა პრეზიდენტზეც და საზოგადოებაზეც.

თან იმუქრებიან, სამჯერ ახსენეს შესაძლო სისხლის ღვრა და დაპირისპირება.

ანუ, საუბარი რაზეა: 7 ნოემბერი, იმედი, ბოტოქსები და ოქროს სამკაულები, გირგვლიანი, გელაშვილი, მოლაშვილი და სხვები არ ყოფილა.

სამართლებრივი გზების, აქ თუ სტრასბურგში, ნაცვლად - ყველაფრის უარყოფა და საზოგადოების აზრზე ზეწოლის მცდელობაა, რასაც ახლა იწყებენ.

კიდევ იტყვით, რომ ამათ ხელისუფლება აცოცხლებთ?

ან ფიქრობთ, რომ ამათთან დიალოგი და ნორმალური თანაცხოვრება შესაძლებელია?

ჯერ შავი სიები გამოფინონ, 9 წლის მანძილზე რომ ადგენენ.

პროტესტის უკიდურესი ფორმა კი არა, სააკაშვილის ბრძანებას ასრულებთ.

ჰო, შიმშილობის თემა ახლახან გავიარეთ.

მეორედ სრული იგნორირება.

თქვენი უფლებაა, იშიმშილეთ.

მეუფე ნიკოლოზს დაუძახეთ და შიმშილობის მერე მასობრივად შეგინდობთ და გაზიარებთ", - წერს სალუქვაძე.

21 დეკემბერს რუსთაველის გამზირზე გამართულ ნაცმოძრაობის აქციაზე, პარტიის თავმჯდომარემ ნიკა მელიამ განაცხადა, რომ მიხეილ სააკაშვილის გათავისუფლების მოთხოვნით მასობრივი შიმშილობა იწყება.

სხვა სიახლეები:

🔲 კარვები გაშალეს „ნაციონალური მოძრაობის“ ოფისთან, სადაც მასობრივი შიმშილობის დაწყებას გეგმავენ

🔲 სოხუმში მთავრობის სახლზე შტურმი მიიტანეს - ადგილზე ისმოდა სროლის ხმაც (ვიდეო)

🔲 "აცრა ნუ გაგათამამებთ" - ბუსტერ დოზით აცრილი, თბილისის სახელმწიფო უნივერსიტეტის ლექტორი გია კუპარაძე გარდაიცვალა