ვზივარ ახლა გულაჩუყებული და ბედნიერებისგან ვტირი - ტორესა მოსი

მწერალი ტორესა მოსი ემოციურ პოსტს აქვეყნებს.

„დღეს ემოციებით დატვირთული დღე მქონდა. სასამართლოში ვიყავი და ეს ამბავი მაშინ გავიგე, როცა მოსამართლე გადაწყვეტილების გამოსატანად იყო გასული.

ჰოდა, ისე გამიხარდა, რომ გავიფიქრე და მგონი ხმამაღლაც ვთქვი, ახლა თუ გინდათ დამაპატიმრეთ-მეთქი. საბოლოოდ 3000 ლარიანი ჯარიმა დავიმსახურე. ლურჯაც ბოლოს და ბოლოს დაგვიბრუნდა და რენემაც უკვე იმგზავრა თავისი მონატრებული ლურჯათი.

ასე დამთავრდა ცუდი ამბები, მკითხველის სიყვარულმა გადატეხა ყველაფერი და ახლა უბედნიერესი ვარ. ასმაგად მიხარია, რომ ახალგაზრდებისთვის დაწერილი რომანი, მისმა მთავარმა მკითხველებმა შეიყვარეს.

სხვანაირად არ იქნებოდა ეს ყველაფერი. მადლობა ყველას, სოლიდარობისთვის, მხარდაჭერისთვის, ზრუნვისთვის, სიყვარულისთვის. თქვენ გარეშე გაუსაძლისი იქნებოდა ცხოვრება.

ვზივარ ახლა გულაჩუყებული და ბედნიერებისგან ვტირი“, - წერს ტორესა მოსი ფეისბუკის საკუთარ გვერდზე.

ტორესა მოსი 12 ნოემბერს დააკავეს, როცა "გირჩი - მეტი თავისუფლების" წევრებმა 6 სხვადასხვა ქალაქში სახელმწიფო უსაფრთხოების სამსახურის შენობებთან აქციები გამართეს და მანქანებით შესასვლელი ჩახერგეს. 

ასევე საინტერესოა:

🔵 ემიგრანტი ტრაგიკულ შემთხვევას ემსხვერპლა

🔵 ოფისში, სითბოში რომ იშიმშილონ? თუ ოფისი უკვე სავსეა მოშიმშილეებით? - ვახტანგ მეგრელიშვილი

🔵  ჟურნალისტები ამბობენ, რომ პოლიციაში სცემეს - მედია კოალიცია სათანადო რეაგირებას ითხოვს