ზურაბიშვილის, კობახიძის, ღარიბაშვილის, ივანიშვილის განცხადებები რუსეთ-საქართველოს ომზე მომავალი თაობების გასარჩევი გახდება, როგორც სამარცხვინო - თამარ ჩერგოლეიშვილი

გამოცემა “ტაბულას” დამფუძნებელი თამარ ჩერგოლეიშვილი, მმართველი გუნდის წარმომადგენლების რეაქციას უკრაინა - რუსეთს შორის დაპირისპირებაზე,  ფეისბუკის საკუთარ გვერდზე ეხმაურება.

“მე ვერ წარმომიდგენია პატრიოტი და გონიერი ქართველი, რომელიც წინა ხელისუფლების ზიზღიდან დისტანცირებულია და ამ განცხადების უმსგავსობას ვერ ხედავს, ან დაინახავს. ზუსტად ამიტომ მჯერა, რომ ზურაბიშვილის, კობახიძის, ღარიბაშვილის, ივანიშვილის განცხადებები რუსეთ-საქართველოს ომზე მომავალი თაობების გასარჩევი გახდება, როგორც სამარცხვინო.
გულწრფელად მჯერა ამის.

რაც შეეხება შიშს – შიში ცხადია ნორმალურია.
სიმხდალეა არანორმალური.

თუ შიში წინდახედულებისკენ გიბიძგებს და გეშინია, რომ რუსეთის პირისპირ მარტო აღმოჩნდები, სუვერენიტეტს დაკარგავ და შერცხვები, სასარგებლო გრძნობაა.

წინდახედულია ის ვინც ხვდება, რომ ბულინგის ქვეშ ვერ იცხოვრებს, ფულს თუ ერთხელ ჩაიტანს, მეორედაც ჩაატანინებენ, მესამედაც – მუდამ ღირსება შელახული იქნება – ამიტომ ფრთხილობს, მაგრამ მოგვარებას ცდილობს, აგებინებს ნაცნობებს რომ საფრთხის ქვეშაა, იმისთვის რომ უფრო დაცული იყოს, უფრო ძლიერებთან ალიანსებს ქმნის, რომ ვეღარ მიწვდნენ.
კობახიძე ასეთი არაა – ამიტომ ვერ არჩევს შიშს და სიმხდალეს.

სიმხდალის საპირწონე თუ სიმამაცეა – სიმამაცე თავზეხელაღებულობას არ ნიშნავს, წინდახედულებას, სამართლიანობას, გამბედაობას და ზომიერებას ნიშნავს.” – წერს თამარ ჩერგოლეიშვილი.

ასევე დაგაინტერე­­­­სებთ:

🔵„რუსეთის საოკუპაციო ძალებმა დღეს, დილის 11:00 საათზე 29-ჯერ გახსნეს ცეცხლი“ - უკრაინის თავდაცვის სამინისტრო

🔵ცვლილებები ათენის მეტროს სამუშაო გრაფიკში

🔵“18 თებერვალს მარსისა და ნეპტუნის ჰარმონიული ასპექტი პიკს მიაღწევს” - ასტროლოგი ხათუნა ნოელი