"44 წლის მანძილზე ილია მეორემ მაქსიმალურად იზრუნა, რომ არავინ ღირსეული საპატრიარქო კაცი არ ყოფილიყო სინოდში, რომელიც ღირსეულ კონკურენციას გაუწევდა მას" - დეკანოზი ილია ჭიღლაძე

დეკანოზი ილია ჭიღლაძე სოციალურ ქსელში წერს:

"დღევანდელ სინოდში მართლაც დიდი დეფიციტია ღირსეულობისა და ღირსების.

44 წლის მანძილზე ილია მეორემ მაქსიმალურად იზრუნა, რომ არავინ ღირსეული საპატრიარქო კაცი არ ყოფილიყო სინოდში, რომელიც ღირსეულ კონკურენციას გაუწევდა მას;

ერთი ეპისკოპოსი არ გვყავს, რომელშიც კრისტალური წარსული და აწმყო, დიდი განათლება, კეთილშობილება, გაბედულება და ადმინისტრირების ნიჭი თავმოყრილი იქნებოდა ერთად.

რადგან სხვანაირად კარგი პატრიარქი და მწყემსი კეთილი ვერ იქნები.

სიმპტომატურია, რომ პირველი ორი კაცი ვინც გაპატრიარქებისთანავე, 1978 წლის დასაწყისში ეპისკოპოსებად აკურთხა, 5 წლის შემდგომ იძულებული გახდა (აიძულა დიდი ბრძოლით მიტროპოლიტმა შიო ავალიშვილმა) განეკვეთა ხარისხებიდან მათი აღვირახსნილი მამათმავლობის გამო.

ბოლომდე ხელს აფარებდა მათ, მაგრამ როცა ერთი მათგანი პედოფილიის გამო მილიციამ დაიჭირა, უკვე ვეღარ შეძლო მათი ლობირება.

ესენი იყვნენ ცხუმ-აფხაზეთელი, შემდგომ ქუთათელ-გენათელი მიტროპოლიტი ნიკოლოზ მახარაძე და ჭყონდიდელი მთავარეპისკოპოსი იოანე ანანიაშვილი.

პედოფილმა ჭყონდიდელმა ციხე მოიხადა.

ეს იოანე ანანიაშვილი ჰყავდა ხმის დამთვლელი კომისიის თავმჯდომარედ ილია შიოლაშვილს 1977 წლის 23 დეკემბრის საეკლესიო კრებაზე, მისი ნარნარა და წკრიალა ხმამ და "წმინდა" პირმა ამცნო საქართველოს მოსკოვში გამოზრდილი ვლადიკავკაზელი ილია შიოლაშვილის პატრიარქად არჩევა",- წერს მამა ილია ჭიღლაძე ფეისბუკში.

ასევე დაგაინტერესებთ:

📍"ასეთი გადასარევი ამბებით გავიღვიძე დილით Washington Post-თან ერთად" - რა ინფორმაციას აქვეყნებს თინა ხიდაშელი

📍გახარია: დღეს ჩვენი დროის გმირის არჩილ ტატუნაშვილის დაბადების დღეა. მისი სიმამაცე და თავგანწირვა ქართველი ვაჟკაცის სიმბოლოა