„ბავშვები, რომელთაც საჩუქრების ნაცვლად პამპერსები, მალამოები და სველი ხელსახოცები სჭირდებათ“ - ნინი მთვარაძე ანგარიშის ნომერს აქვეყნებს

ჟურნალისტი, საქართველოს მთავრობის პრესსამსახურის თანამშრომელი ნინი მთვარაძე, რომელიც თავისი შვილის, 8 წლის დემეს გადარჩენისთვის იბრძოდა და სამწუხაროდ, ამ ბრძოლაში დამარცხდა სხვა პატარების გადასარჩენად ბრძოლაში აქტიურად არის ჩართული. 

„დეკემბერში ყველა საახალწლო სამზადისში ვართ. უკვე 3 წელია, რაც ჩემთვის ეს პერიოდი ყველაზე სევდიანია.

დემე დეკემბერში გაფრინდა. პარალელურად, საახალწლო ჟრიამული ყოველთვის ბედნიერ მოგონებებს აღვიძებს ადამიანებზე, ვინც გვერდით აღარ გვყავს. რა შეგვიძლია გავაკეთოთ მათთვის?

მე სულ მგონია, რომ მხოლოდ სიკეთე გვაგრძნობინებს თავს უკეთ და წელს მინდა, იმ ბავშვებს დავეხმაროთ, რომლებიც პალიატიურ მზრუნველობაზე არიან, ბავშვთა ჰოსპისში.

ბავშვთა ჰოსპისი ციცინათელების ქვეყანა/Firefly -ში 8 ბავშვი ცხოვრობს. დღის ცენტრში 4 ბენეფიციარია და დამხმარეები ბინაზე დადიან თვეში 65 ბავშვთან.

ესენი არიან ბავშვები, რომელთაც საჩუქრების ნაცვლად პამპერსები, მალამოები და სველი ხელსახოცები სჭირდებათ. ხომ დაუჯერებელია? მაგრამ ესაა რეალობა, რომელშიც ვცხოვრობთ და რომლის წინაშეც ხშირად უხილავ კედელს ვიშენებთ საახალწლო განწყობის შენარჩუნების მიზნით.

მე ვიქნები წელს თქვენთვის ეს კედელი და მათი ყოველდღიურობის უმძიმეს დეტალებს არ მოვიტან თქვენამდე, უბრალოდ თუ სურვილი გაქვთ, თქვენს სიკეთეს და კეთილ სურვილებს მივიტან მათთან ახალ წელს.

P.S. ქვევით დავდებ მათ მიერ მოწოდებულ საჭიროებების სიას. დახმარების სურვილის შემთხვევაში შეგიძლიათ თავად იყიდოთ ნებისმიერი საჭირო ნივთი და მომაწოდოთ, ან თანხა ჩარიცხოთ. სიკეთე დავიბედოთ 💫

#GE44TB7055336010100076

დემეს და ნენეს დედა - სამუდამოდ

➡️დიდების პამპერსი (ტენას ფირმის) s, m, l
➡️დამატენიანებელი კრემი ბავშვებისთვის - ტოპი კრემი
➡️სველი ხელსაწმენდები, ფენი
➡️ბლენდერი, ძლიერი
➡️უთო
➡️ჟანეს შპრიცები 60-ანი“, - წერს ნინი მთვარაძე სოციალურ ქსელში.

ასევე დაგაინტერესებთ:

🔵 ლარი დოლართან და ევროსთან მიმართებით გამყარდა - ვალუტის კურსი 17 დეკემბრისთვის

🔵 ქუთაისში, მთვრალმა კაცმა ავტობუსი მგზავრებიანად გაიტაცა - ადვოკატი