ელისო კილაძე: მთავრობის გადადგომა, პოლიტპატიმრების გათავისუფლება - თუ ეს მოთხოვნები არ დადგება - აქცია დაემსგავსება მორიგ ტუსოვკას

ჟურნალისტი ელისო კილაძე სოციალურ ქსელ "ფეისბუკში" წერს:

"ახლა დავეშვათ მიწაზე და მოვრჩეთ ეიფორიას:

გუშინდელი დღე იყო უ-კარგესი.

ხალხი არ მისულა არც სირცხვილიას მხარდასაჭერად, არც ნანკა კალატოზიშვილის და ლაშა ბუღაძის მოსასმენად !

ხალხი მივიდა ევროპული მომავლის იმედად !

24-ში დანიშნულია მორიგი აქცია და იქ მთავარი მოთხოვნა უნდა იყოს მთავრობის გადადგომა, ტექნიკური მთავრობის ფორმირება, პოლიტპატიმრების გათავისუფლება და ვადამდელი არჩევნები ევროკავშირის მკაცრი მონიტორინგის პირობებით !

დეოლიგარქიზაცია ნიშნავს ამას !

p.s. თუ ეს მოთხოვნები არ დადგება -აქცია დაემსგავსება მორიგ ტუსოვკას და ოცნების წისქვილის წყალია‼️

თქვენ რას ფიქრობთ?!",- წერს ელისო კილაძე.

მას შემდეგ, რაც ევროკომისიამ უკრაინისა და მოლდოვის მსგავსად საქართველოსთვის ევროკავშირის კანდიდატის სტატუსის მინიჭების რეკომენდაცია არ გასცა, საქართველოს ევროპული მომავალი კითხვის ნიშნის ქვეშ დადგა. სწორედ ამიტომ, სიმბოლურად 20 ივნისს სიმბოლურ ადგილას საქართველოს მოსახლეობამ კიდევ ერთხელ დაანახა მსოფლიოს საკუთარი ევროპული არჩევანი.

რაც შეეხება აქციაზე მყოფი ადამიანების რიცხვს, სპეციალური პლატფორმის მიხედვით, რომელიც სივრცისა და სიმჭიდროვის გათვალისწინებით დათვლის საშუალებას იძლევა, რუსთაველზე 20 ივნისს შეკრებილთა რაოდენობა, სავარაუდოდ, 100 000-ს აღემატებოდა.

ასევე დაგაინტერესებთ;

* "ჩვენი მოსახლეობის 80 პროცენტზე მეტი მხარს უჭერს ევროატლანტიკურ ინტეგრაციას და ჩვენმა პარტიამ და მთავრობამ ყველაფერი გააკეთა, რაც შესაძლებელი იყო, 2012 წელს ხელისუფლებაში მოსვლის დღიდან" - ღარიბაშვილი

* ჰარცელი: გუშინ რაც ვიხილე, იყო ძალიან დიდი, ღირსეული და მშვიდობიანი მანიფესტაცია საქართველოს პროევროპული არჩევანის