"კაცი, რომელთანაც ოჯახს ნათლობა გვაკავშირებს და თან მამას უახლოესი მეგობარი იყო კალთაში ჩამისვა და ხვნეშოდა" - ისტორია სოციალური ქსელიდან

სოციალურ ქსელში სექსუალურ შევიწროებასთან დაკავშირებით მძიმე ისტორია ვრცელდება:

"გამარჯობა, ჩემი ისტორია სექსუალურ შევიწროებას ეხება.

დეტალებს არ მოვყვები.

შემთხვევით მივედი ოჯახის ახლობელთან, მეზობლად ცხოვრობდნენ.

აღმოჩნდა, რომ ეს კაცი მარტო იყო, კაცი, რომელთანაც ოჯახს ნათლობა გვაკავშირებს და თან მამას უახლოესი მეგობარი იყო, შვილოს გვეძახდა მუდამ.

გვერდით მიმისვა, მოდი გაკოცოო, და ლოყიდან რომ მოყვა, მეორე ლოყამდე არ გაჩერდა.

ახლაც მახსოვს გულის ამრევად მისი ტუჩების სისველე.

მანამდე, ერთ დღეს, კალთაში ჩამისვა და ხვნეშოდა.

ხელები აუკანკალდა, მაგრამ ვერაფერი გაბედა.

მაშინ წარმოდგენა არ მქონდა, რა ხდებოდა და მიკვირდა, რა ჭირს-თქო, თუმცა მეორე ფაქტის შემდეგ მივხვდი.

ერთხელ სცადა დაძახება, როდესაც სახლში მარტო იყო და ვუთხარი არ მეცალა და გამოვეცალე.

მიხვდა, როგორც ჩანს, ვხვდებოდი, რაღაც ისე ვერ იყო და მას შემდეგ შემეშვა, თუმცა არც მივდიოდი მათთან, იშვიათი გამონაკლისის  გარდა და ისიც მხოლოდ მაშინ, თუ ვიცოდი, რომ სახლში სხვებიც იყვნენ.

მამამ დღემდე არ იცის ეს ამბავი, ნამდვილად მოკლავს, რომ გაიგოს.

მე თვითონ შვილი მყავს, 4 წლის გოგო და სულ ვცდილობ, მივაწოდო ინფორმაცია, რა არის მისთვის პირადი სივრცე და რა არის ნორმალური.

იმ მოვლენის შემდეგ მეშინოდა კაცების, ღამეები არ მეძინა, სერიოზული სტრესი გადავიტანე.

უბრალოდ გთხოვთ, დედებო და მომავალო დედებო, აუცილებლად ესაუბრეთ შვილებს ამ თემაზე ასაკის შესაბამისად, ნუ იფიქრებთ, მე ეს არ დამემართება, ასეთი ადამიანი არავინ არის გარშემო.

მუდამ ყურადღებით იყავით და არ ანდოთ არავის თქვენი შვილი ზედმეტად.

როგორც ვხვდები, იმაზე ბევრად ხშირია ბავშვებზე სექსუალური ძალადობა, ვიდრე წარმოვიდგენდი. 

მაპატიეთ ცოტა არეული ტექსტისთვის...",- წერს, ისტორიის ავტორი.

ასევე დაგაინტერესებთ:

🔴 "დღევანდელი მინიშნებები მხოლოდ იმაზეა, რომ კრემლი აფხაზეთის და ცხინვალის რეგიონის ანექსიას აპირებს" - ჩერგოლეიშვილი

🔴 რუსეთის მიმართ სანქციების დაწესება არ უნდა ხდებოდეს მხოლოდ უკრაინის ტერიტორიების ნაწილის ოკუპაციის გამო - რომან გოცირიძე