მთავრობამ პრეზიდენტის წინააღმდეგ საკონსტიტუციო სასამართლოში სარჩელი შეიტანა. ეს არის კომპეტენციის შესახებ დავა - ვახუშტი მენაბდე

კონსტიტუციონალისტი ვახუშტი მენაბდე, ფეისბუკის საკუთარ გვერდზე წერს:

"მთავრობამ პრეზიდენტის წინააღმდეგ საკონსტიტუციო სასამართლოში სარჩელი შეიტანა. ეს არის კომპეტენციის შესახებ დავა. როგორც ჩანს, ქვეყნის პირველმა პირმა ელჩის დანიშვნა-გათავისუფლების თაობაზე მთავრობის წარდგინება/ები უარყო. ამ ნაბიჯზე მმართველი გუნდი რამდენიმე თვის წინ საუბრობდა, მაგრამ ბოლომდე მკაფიო არ იყო მხოლოდ ელჩების საკითხზე შევიდოდა სარჩელი თუ საგარეო ვიზიტებზეც. მოსალოდნელი იყო, რომ ოცნება ამ ეტაპზე არ აპირებდა მეორე საკითხზე დავის სასამართლოში გადატანას. ამავდროულად უნდა ვიცოდეთ, რომ ამ სარჩელს ორი შინაარსი აქვს, პირველი ეს არის პირდაპირი მნიშვნელობა და გულისხმობს ელჩების შესახებ საკითხს, მაგრამ თან ეს სარჩელი არის გაფრთხილება პრეზიდენტისთვის - სხვა ნებისმიერ სადავო საკითზეც, მათ შორის მთავრობისგან აკრძალულ საგარეო ვიზიტებზე - მმართველი გუნდი მზად არის წავიდეს ლოიალური უმრავლესობით დაკომპლექტებულ სასამართლოში.
სარჩელის დაკმაყოფილების შემდეგ, პრეზიდენტის მიერ გამოჩენილი ურჩობა, პირდაპირ შეფასდება, როგორც კონსტიტუციის დარღვევა და იარსებებს მკაფიო სამართლებრივი საფუძველი იმპიჩმენტისთვის (სამართლებრივი საფუძველი არ ნიშნავს პოლიტიკურ საფუძველს)",-წერს, ვახუშტი მენაბდე.

ასევე წაიკითხეთ:

🔵"სამარცხვინო სიბრიყვეა იმის მტკიცება, რომ ქუჩაში პოლიტიკოსებზე თავდასხმასთან ხელისუფლება არაფერ შუაშია" - თინა ხიდაშელი

🔵საქართველოში მაიმუნის ყვავილის 2 სავარაუდო შემთხვევიდან ერთი უარყოფითია, მეორეს იკვლევენ - ამირან გამყრელიძე