"პუტინის "დედლაინი" 9 მაისია - "ფაშიზმზე" გამარჯვება ამ დღეს უნდა იზეიმოს, მაგრამ ბუნკერი აუცილებლად იქცევა იპატიევის პადვალად" - ლაშა ბუღაძე

მწერალი ლაშა ბუღაძე სოციალურ ქსელში წერს, რომ პუტინს ბოლოს ისევ რუსი ხალხი მოუღებს და ამის მაგალითად ისტორიული მაგალითი მოჰყავს.

"ვუყურებ რუსეთის ქუჩებში გამოკითხულთა მოლაპარაკე გვამებს და ვფიქრობ, რას იზამს ეს ხალხი, როცა მარცხის გაცნობიერებას დაიწყებს...

როგორი ეგზალტაციით იყვნენ რუსები მოცულები 1914 წელს, პირველი მსოფლიო ომის პირველ თვეებში - უცებ შეიყვარეს იმპერატორი ნიკალაი მეორე და ისიც რა თავდაჯერებული იყო თავისი მილიტარისტული პოპულარობის პიკზე...

და რას იფიქრებდა, რომ ომის დაწყებიდან რამდენიმე წელიწადში ტახტს დაკარგავდა და მერე საერთოდ სიცოცხლეს: რომ მასზე შეყვარებული რუსი ხალხი სარდაფში ჩაკლავდა ცოლიან-შვილებიანად, ქალიშვილებს აუკუწავდნენ და მიტოვებულ შახტში ჩაყრიდნენ ნახევრად-დამწვარ სხეულებს...

ამ დროს რა ბედნიერი ჭვრეტდა თავის ტრიუმფს რუსული მისიის აღსრულების დასაწყისში... და აი, "ტრიუმფი" ინჟინერ იპატიევის სახლის პადვალში დაუსრულდა...

რუსი იმპერატორი ანგელოზი იყო პუტინთან შედარებით, მაგრამ რუს ერს სჩვევია დემონური ეტაპების ტრანსფორმაცია...

პუტინის "დედლაინი" 9 მაისია - "ფაშიზმზე" გამარჯვება ამ დღეს უნდა იზეიმოს.

მაგრამ ბუნკერი აუცილებლად იქცევა იპატიევის პადვალად", - წერს ბუღაძე.

სხვა სიახლეები:

🔵 2019 წელს დაბადებულ ვირას ალბათ ეღუტუნებოდა, როცა დედა შიშველ ზურგზე, ლურჯი მელნით აწერდა - ნინო თარხნიშვილის ემოციური პოსტი

🔵 "ეს ნაბიჯი უშედეგოდ არ ჩაივლის"- რუსეთის მუქარა საბერძნეთს, 12 რუსი დიპლომატის გაძევებასთან დაკავშირებით

🔵 „ბესლანის ტკივილი პირველად 2008 წელს განახლდა და მეორედ ახლა... როცა რუსი ჯალათების ხელში ვიყავი და არ ვიცოდი, როგორ დასრულდებოდა ეს ისტორია“ - ნანა ლეჟავა