სანდრო ბაზაძე ევროპული თამაშების ჩემპიონია!

პოლონეთში მიმდინარე მესამე ევროპულ თამაშებზე ქართულმა დელეგაციამ პირველი ოქროს მედალი მოიპოვა. მსოფლიოს N1 ხმლით მოფარიკავემ სანდრო ბაზაძემ ბრწყინვალედ იასპარეზა, ყველა მეტოქე ერთი ამოსუნთქვით დაამარცხა, ჩემპიონი გახდა და ზედიზედ მეცამეტედ შეძლო ფარიკაობის უმაღლესი რანგის შეჯიბრებებზე კვარცხლბეკზე ასვლა.

სანდრომ ჩემპიონობისკენ სვლა I ჯგუფიდან დაიწყო, სადაც ექვსივე მეტოქე დაამარცხა: უნგრელი ტამაშ დეში, თურქი თოლგა ასლანი, პოლონელი ოლაფ სტასიაკი, ჩეხი კრიშტოფ ჩაჩეკი და დიდი ბრიტანელი  უილიამ დერი.

ფლეი-ოფში სანდრო პირველ ნომრად იყო განთესილი და პირველ წრეში დაისვენა, 1/16 ფინალში კი იოლად დაამარცხა ბერძენი ანგელოს პაკგალოსი-15:4, 1/8 ფინალში საქართველოს ნაკრების ლიდერი უნგრელ ანდრაშ შატმარის დაუპირისპირდა და კვლავ დამაჯერებლად მოიგო-15:9. მეოთხედფინალში კი უკრაინელ ანდრეი იაგოდკას სძლია-15:11.

ნახევარფინალში სუპერდაპირისპირება ვიხილეთ, ქართველის მეტოქე უნგრელი ოლიმპიადის 3-გზისა და მსოფლიოს მოქმედი ჩემპიონი აარონ სილაგი გახლდათ. დრამატულ ბრძოლაში სანდრომ 15:13 იმარჯვა და ფინალში გავიდა, სადაც იგივე ანგარიშით პოლონელი კრისტოფ კაცკოვსკი დაამარცხა და ჩემპიონი გახდა.

შეგახსენებთ, მესამე ევროპული თამაშები 2 ივლისადე გაგრძელდება და საქართველოს სახელით 99 სპორტსმენი იასპარეზებს.