80-ზე მეტი უკრაინელი მესაზღვრე, რომლებიც ზმეინის კუნძულს იცავდნენ, ცოცხალია, მაგრამ ტყვეობაში არიან

"ზმეინის კუნძულიდან დატყვევებული უკრაინელი მესაზღვრეები  სევასტოპოლში ჩაიყვანეს", - ამის შესახებ ინფორმაცია სააგენტო რია-ნოვოსტმა, რუსეთის ფედერაციის შავი ზღვის ფლოტზე დაყრდნობით გაავრცელა.

"80-ზე მეტი უკრაინელი მესაზღვრე, რომლებიც ზმეინის კუნძულს იცავდნენ, ცოცხალია, მაგრამ ტყვეობაში არიან.

რუსეთის ფედერაციის შავი ზღვის ფლოტის წარმომადგენლების თქმით, ტყვედ აყვანილი  80-ზე მეტი უკრაინელი მესაზღვრე სევასტოპოლში გადაიყვანეს", - აღნიშნავს გამოცემა.

შეგახსენებთ, რომ 24 თებერვალს, რუსეთის უკრაინაზე თავდასხმის დღეს, დამპყრობლები მიუახლოვდნენ შავ ზღვაში სერპენტის კუნძულს და კუნძულზე დისლოცირებულ უკრაინელ მესაზღვრეებს ულტიმატუმი წაუყენეს: დანებებულიყვნენ რაზედაც უარი მიიღეს და ოკუპანტებმა ისინი დაბომბეს. 

ამის შემდეგ უკრაინის პრეზიდენტმა ვოლოდიმირ ზელენსკიმ განაცხადა, რომ კუნძულ ზმეინიზე დაიღუპა ყველა ის მესაზღვრე, რომლებიც მას იცავდნენ. 

„ჩვენს კუნძულ ზმეინიზე ყველა მესაზღვრე დაიღუპა, ისინი კუნძულს ბოლო წუთამდე იცავდნენ. არ დანებდნენ. მათ სიკვდილის შემდეგ უკრაინის გმირის წოდება მიენიჭებათ. მარადიული ხსოვნა მათ, ვინც უკრაინისთვის სიცოცხლე გაწირა“, - განაცხადა მან.

25 თებერვალს რუსეთის თავდაცვის სამინისტროს წარმომადგენელმა განაცხადა, რომ „კუნძულ ზმეინის რაიონში რუსეთის შეიარაღებულ ძალებს 82 უკრაინელი სამხედრო დანებდა“. უკრაინელების დაღუპვის შესახებ რუსული მხარის განცხადებაში არაფერი იყო ნათქვამი.

სხვა სიახლეები:

🔵 უკრაინის დელეგაცია რუსეთის წარმომადგენლებთან მოლაპარაკებებში მონაწილეობის მისაღებად პრიპიატში ჩავიდა

🔵 "მესამე მსოფლიო ომი შეიძლება შეჩერდეს ფაქტობრივად მის ზღურბლზე. ატომური აპოკალიფსის გარეშე" - რა იწინასწარმეტყველა გერმანელმა ჯადოქარმა 1953 წელს?

🔵 სამხრეთ კორეა რუსეთის წინააღმდეგ სანქციებს უერთდება