ამერიკამ და ევროპამ რუს ოლიგარქებს "ოქროს პასპორტები" შეუჩერა?!

სხვა არაერთ სანქციასთან ერთად, რომელიც აშშ-მა და ევროპამ რუსეთს უკრაინის გამო დაუწესეს, არის ზომები რუსეთის ცენტრალური ბანკის წინააღმდეგ, რაც რუსეთს ხელს შეუშლის საკუთარი ფინანსური საერთაშორისო რეზერვის მართვაში. აღნიშნული შეზღუდვა, იტალიური პრესის განცხადებით, დასავლელი ლიდერების ერთობლივ ნოტაშია აღნიშნული. არსებული ინფორმაციით, ცენტრალურ ბანკში არის 643 მილიარდი დოლარის რეზერვი, რომელიც პრეზიდენტმა ვლადიმერ პუტინმა უკრაინაში შეჭრამდე დააგროვა.

„ჩვენ მზად ვართ ვიმოქმედოთ იმ სუბიექტების წინააღმდეგ, რომლებიც ხელს უწყობენ ომს უკრაინაში. კერძოდ, ჩვენ მზად ვართ მივიღოთ ზომები, რომლებიც ზღუდავს ეგრეთ წოდებულ ოქროს პასპორტებს, რომლებიც მოსკოვთან დაკავშირებულ მდიდარ რუსებს საშუალებას აძლევს "ჩვენი ქვეყნების მოქალაქეები გახდნენ და მიიღონ წვდომა ჩვენს ფინანსურ სისტემებზე", აღნიშნულია ნოტაში და დასავლეთის მოკავშირე ქვეყნები ასევე დებენ პირობას, რომ შექმნან "ტრანსატლანტიკური სამუშაო ჯგუფი, რათა უზრუნველყონ ფინანსური სანქციების ეფექტიანი განხორციელება იმ პირთა და კომპანიების აქტივების იდენტიფიცირებით და გაყინვით, რომლებზეც სანქციებია დაწესებული". დასავლელი ლიდერები ხაზს უსვამენ: „ჩვენ უკრაინელ ხალხთან ვართ ამ მძიმე მომენტში და ჩვენ მზად ვართ მივიღოთ დამატებითი ზომებიც“.