ბირთვული აფეთქების შიშის ფონზე, საბერძნეთის მოსახლეობა იოდის აბებს იმარაგებს

უკრაინაში, ევროპის უდიდესი ატომური ელექტროსადგურის ობიექტებზე თავდასხმამ, საბერძნეთის მოსახლეობას 1986 წელის ჩერნობილის ავარიის მოგონებები გაუღვიძა, რის შედეგადაც საბერძნეთში იოდის პრეპარატზე მოთხოვნა გაიზარდა.

ამის შესახებ ინფორმაციას ტელეკომპანია MEGA ავრცელებს. 

ფარმაცევტები მოსახლეობას სიმშვიდის შენარჩუნებისკენ მოუწოდებენ:

"იოდიდის პრეპარატზე მოთხოვნილება ნამდვილად გაიზარდა, თუმცა ამ ეტაპზე მისი მიღების არანაირი მიზეზი არ არსებობს.

პრეპარატზე დეფიციტიც ნამდვილად არის, მაგრამ ეს არ წარმოადგენს საშიშროებას, რადგან ეს ძალიან გავრცელებული პრეპარატია"- ამბობს ერთ-ერთი ფარმაცევტი ტელეკომპანიასთან ინტერვიუში.

     რა არის იოდის პრეპარატი და რისთვის გამოიყენება ეს  აბები ?

კალიუმის იოდის აბები ეს არის ზღვის მარილის იოდი, რომელიც გამოიყენება ფარისებრი ჯირკვლის რადიოაქტიური იოდის (რადიო-იოდის) მოსალოდნელი რადიაციული ზემოქმედებისგან დასაცავად.

ზოგიერთი რადიაციული საგანგებო ვითარებისას შესაძლოა გარემოში გამოთავისუფლდეს დიდი რაოდენობით რადიოაქტიური იოდი.

გამომდინარე იქიდან, რომ იოდის ათვისება ხდება ფარისებრი ჯირკვლის მიერ, რადიო-იოდით დაბინძურებული ჰაერის ინჰალაციამ, ან საკვების მიღებამ შესაძლებელია გამოიწვიოს აღნიშნული ჯირკვლის რადიაციული დაზიანება.

ეს გულისხმობს ფარისებრი ჯირკვლის კიბოსა და სხვა თირეოიდული დაავადებების რისკების ზრდას.

ფარისებრი ჯირკვლის კიბო, უმეტეს შემთხვევაში განკურნებადია, თუმცა უპირატესობა ენიჭება ისეთი ზომების მიღებას, რაც დააქვეითებს კიბოს განვითარების რისკს.

იოდიდის KI-ის მიღების შედეგად ხდება ფარისებრი ჯირკვლის სტაბილური (არა-რადიოაქტიური) იოდით გაჯერება. ეს ხელს უშლის რადიო-იოდის ათვისებას, ან აქვეითებს მის რაოდენობას, რომელიც შესაძლოა შთანთქმული იქნეს ფარისებრი ჯირკვლის მიერ.

კალიუმის იოდის  მიღება ყველაზე ეფექტურია რადიოაქტიური იოდის ზემოქმედებამდე ცოტა ხნით ადრე ან უშუალოდ ზემოქმედების შემდეგ.

წამლის მიღება ზემოქმედებიდან 3 ან 4 საათის შემდეგ, ასევე, დააქვეითებს ფარისებრი ჯირკვლის მიერ რადიოიოდის ათვისებას, თუმცა, მისი ეფექტიანობა შემცირდება -  (აღნიშნულ ინფორმაციას საქართველოს ენდოკრინოლოგიისა და მეტაბოლიზმის ასოციაცია ავრცელებს) 

აქვე აღსანიშნავია, რომ იოდის ტაბლეტებს, ექსპერტების აზრით, არავითარი გვერდითი მოვლენა არ გააჩნია და ისინი რეცეპტის გარეშე გაიცემა, თუმცა ძალიან მგრძნობიარეა მზის სხივებისა და სიცხის მიმართ, რამაც შესაძლოა  მათი შემადგენლობის შეცვალა გამოიწვიოს. 

ასევე საინტერესოა

🔵რუსეთი უკრაინაზე თავდასხმის მიზეზს, მცირეწლოვან ბავშვებს პროპაგანდისტული ანიმაციური ფილმით უხსნის

🔵გამომძიებელი ჟურნალისტი: რუსეთის ერთ-ერთი მოთხოვნაა, უკრაინის მთავრობის მეთაურად დანიშნოს უმაღლესი რადას დეპუტატი

🔵რუსებმა კიევის პურის ქარხანა დაბომბეს – დაღუპულია 13 ადამიანი