„ჩვენ დავრჩით მარტო საკუთარი სახელმწიფოს დაცვაში“ - ვოლოდიმირ ზელენსკი

„ჩვენ დავრჩით მარტო საკუთარი სახელმწიფოს დაცვაში“, - ამის შესახებ უკრაინის პრეზიდენტის ვოლოდიმირ ზელენსკის განაცხადა.

„არ აქვს მნიშვნელობა რამდენ ლიდერს ვესაუბრე დღეს. რამდენიმე რამ გავიგე. პირველი, რომ მხარს გვიჭერენ, რისთვისაც მადლიერი ვარ ყველა ქვეყნის, რომელიც უკრაინას განსაკუთრებულად ეხმარება. არამხოლოდ სიტყვებით. 
 
მეორე - ჩვენ დავრჩით მარტო საკუთარი სახელმწიფოს დაცვაში. ვინ არის მზად ჩვენთან ერთად იომოს? ვერავის ვხედავ. ვინ არის მზად, უკრაინას NATO-ში გაწევრიანების გარანტია მისცეს? ყველას ეშინია. 
 
დღეს მოსკოვიდან შევიტყვეთ, რომ მათ ჯერ კიდევ სურთ საუბარი. მათ სურთ უკრაინის ნეიტრალურ სტატუსზე საუბარი. 
მე ვეუბნები ჩემს ყველა პარტნიორს: ახლა ჩვენი ქვეყნის ბედი წყდება. ვეკითხები მათ, ხართ თუ არა ჩვენთან ერთად? 
 
მე დღეს ვკითხე ევროპის 27 ქვეყნის ლიდერს, გახდება თუ არა უკრაინა ნატოს წევრი? მე უბრალოდ შეკითხვა დავსვი. ყველას ეშინია. ჩვენ არ გვეშინია. ჩვენ არ გვეშინია რუსეთთან საუბრის. ჩვენ არ გვეშინია ჩვენი ქვეყნის უსაფრთხოების გარანტიებზე საუბრის. ჩვენ არ გვეშინია ნეიტრალურ სტატუსზე საუბრის. მაგრამ უსაფრთხოების რა გარანტიები გვექნება? და რომელი ქვეყნები მიიღებენ ამას? ჩვენ ახლა უნდა ვისაუბროთ ცეცხლის შეწყვეტაზე. ახლა ქვეყნის ბედი დამოკიდებულია ჩვენს არმიაზე და ხალხზე, ჩვენს დამცველებზე.“, - განაცხადა უკრაინის პრეზიდენტმა.

ასევე საინტერესოა:

🔵 მტრის #1 სამიზნე ვარ, ვრჩები კიევში - უკრაინის პრეზიდენტი

🔵 სალომე ზურაბიშვილი უკრაინელ ხალხს: „ჩვენ თქვენთვის ვლოცულობთ“