„რამდენჯერმე, ჩემს გულში, რუსების შენდობაც ვცადე, მაგრამ ტკივილი არ შუშდება!“ - ირმა მაისურაძე

რუსეთის მიერ, უკრაინაზე სამხედრო თავდასხმამ, ქართველ ხალხს ძველი ჭრილობები განუახლა. ომს, რომელსაც მსოფლიოს დიდი ნაწილი აკრიტიკებს და მრავალმხრივი ფორმით მხარდაჭერას უცხადებენ უკრაინას, ქართველებისთვის განსაკუთრებით მტკივნეულია. ბოლო 30 წლის მანძილზე, რუსეთმა საქართველოზე სამხედრო თავდასხმა ორჯერ განახორციელა. 

საქართველოს უახლესი ისტორია სავსეა ტრაგიკული ისტორიებით, რომელთა კვალიც ჩვენს ცხოვრებაში რუსეთმა დატოვა. 

ირმა მაისურაძე, იტალიაში მცხოვრები ემიგრანტი: „სრულიად გაიღვიძა ძველმა ჭრილობებმა. ყოველ დღე მახსენდება თუ როგორ ეძებდა მამაჩემი, ჩემს ძმას აფხაზეთში, გარდაცვლილ ჯარისკაცებს შორის, როდესაც კასპის რკინიგზის სადგურზე მატარებელი ჩამოდგა და გარდაცვლილი ჯარისკაცები ჩამოიყვანა. 

საბედნიეროდ ჩემი ძმა მათ შორის არ აღმოჩნდა, მხოლოდ 2 თვის შემდეგ ვიპოვეთ ცოცხალი... ყოველ დღე მახსენებს თავს ტელეფონის ზარი თუ როგორ დამირეკეს და მითხრეს რომ ჩემი ბებია და პაპა, სამაჩაბლოში, 80 წლის ხალხი საკუთარ ეზოში, სკამზე დასასვენებლად ჩამომჯდარი, რუსებმა დახვრიტეს და შემდეგ დაწვეს...

ეს სტრესი არასდროს გადის, დრო და დრო ყოველთვის ბრუნდება. რამდენჯერმე, ჩემს გულში, რუსების შენდობაც ვცადე, მაგრამ ტკივილი არ შუშდება!

აგრეთვე დაგაინტერესებთ:

📌 იტალიამ, 55 ათასზე მეტი ლტოლვილი შეიფარა. სავარაუდოდ მათი რიცხვი კვლავ გაიზრდება

📌 “იტალიაში სხვის მოსამსახურეობაში რომ ამომხდა სული და ბინა ისე ვიყიდე, იმ სახლში ვერც უკრაინელ ლტოლვილებს შევუშვებ!” - ემიგრანტი იტალიიდან

📌 5 წლის უკრაინელი გოგონას სიცოცხლე, რომელიც იტალიაში, რამდენიმე დღის უკან ჩავიდა, ავტოსაგზაო შემთხვევას ემსხვერპლა

📌 ვენეციასა და პრატოში მცხოვრებ ქართველთა საყურადღებოდ

📌 როგორი კოვიდვითარებაა იტალიაში - მონაცემები