"რუსეთი ერაყიდან იღებს საბრძოლო მასალას და სამხედრო აღჭურვილობას უკრაინაში სამხედრო ოპერაციებისთვის" - The Guardian

რუსეთი ირანული იარაღის კონტრაბანდის ქსელების დახმარებით ერაყიდან იღებს საბრძოლო მასალას და სამხედრო აღჭურვილობას უკრაინაში სამხედრო ოპერაციებისთვის.

ამის შესახებ, ირანისგან და რეგიონული სადაზვერვო სამსახურებისგან მხარდაჭერილი ერაყელი მებრძოლების წევრების ინფორმაციაზე დაყრდნობით გამოცემა The Guardian წერს.

გავრცელებული ინფორმაციით, ბრაზილიური წარმოების ტანკსაწინააღმდეგო ყუმბარმტყორცნი და ტანკსაწინააღმდეგო რაკეტები, ისევე როგორც ბრაზილიური წარმოების მრავალი სარაკეტო გამშვები მოწყობილობა, რუსეთში ერაყიდან, უკრაინაში მოსკოვის წარუმატებელი კამპანიის შემდეგ მარტში გაიგზავნა.

წყაროს თქმით, რომელიც ტრანსპორტირების ორგანიზებაში დაეხმარა, თეირანის ხელისუფლებამ მოსკოვს ასევე წარუდგინა ირანული წარმოების "ბავარ 373" სარაკეტო სისტემა რუსული "ეს-300"-ის მსგავსი.

იარაღით ვაჭრობის ქვესკნელის გამოყენება, რუსეთის სტრატეგიის დრამატულ ცვლილებაზე მიანიშნებს, რადგან მოსკოვი იძულებულია დაეყრდნოს ირანს.

"ტანკსაწინააღმდეგო ყუმბარმტყორცნები და ტანკსაწინააღმდეგო რაკეტები, რომლებიც ჰაშდ ალ შააბის, ყველაზე ძლიერი შიიტური ჯგუფის მფლობელობაშია, 26 მარტს სალამჯას სასაზღვრო პუნქტით ირანში გადაისროლეს, სადაც ირანელმა სამხედროებმა მიიღეს და რუსეთში ზღვით გადაიტანეს", - განაცხადა ჯგუფის მეთაურმა, რომელიც გადატანას აკონტროლებდა.

წყაროს ცნობით, 1 აპრილს ჰაშდ ალ-შაბიმ ასევე დაშალა და ირანის ნაწილებს გაუგზავნა ბრაზილიური წარმოების Astros II თვითმავალი მრავალჯერადი სარაკეტო სისტემა, რომელიც ერაყში ცნობილია, როგორც Sajil-60-ის ლიცენზირებული ვერსია.

სხვა სიახლეები:

🔵 რუსეთში ვალერი მელაძის ქვეყნიდან გაძევებას და მისთვის ჯილდოების ჩამორთმევას ითხოვენ

🔵 "აგრესორმა მარიოპულში ქიმიური იარაღი გამოიყენა" - რას წერს ქართველი ლეგიონერი უკრაინაში ვითარებაზე

🔵 ზელენსკი: მზად არ ვართ, მშვიდობისთვის უკრაინის რომელიმე ნაწილი დავთმოთ