რუსეთის საელჩო საბერძნეთში, ბერძნებს ანტირუსულ პროპაგანდაში ადანაშაულებს და მოუწოდებს " გონზე მოეგონ"

საბერძნეთში რუსეთის საელჩო სოციალურ ქსელ "ფეისბუკზე" ბერძნებისადმი მიმართულ სპეციალურ განცხადებას ავრცელებს, სადაც რუსები ბერძნებს ანტირუსულ პროპაგანდაში ადანაშაულებენ.

ამავე პოსტში, რუსეთის საელჩო საბერძნეთს მოუწოდებს, რომ "დროულად მოეგონ გონს". 

აღნიშნული პოსტი, უკრაინაში დაბომბვის შედეგად დაღუპულ ბერძნების შესახებ - რუსეთის საგარეო საქმეთა მინისტრის განცხადებას მოჰყვა.

მათი განცხადების თანახმად, ბერძენი ეროვნების მქონე ემიგრანტების დაღუპვაში დამნაშავეები არიან აზოვის ორდენის უკრაინელი ნაციონალისტები, რომლებმაც განახორციელეს თავდასხმა საცხოვრებელ ზონას და სოფლის დასახლებულ პუნქტებზე. 

შეგახსენებთ, რომ 24 თებერვალს საბერძნეთის მთავრობამ დაგმო, რუსეთის თავდასხმა უკრაინაზე და გამოაქვეყნა განცხადება სადაც აღნიშნულია, რომ - "ეს არის რუსეთის მხრიდან, საერთაშორისო სამართლის და მსოფლიო ღირებულებების აშკარა დარღვევა და ძირს უთხრის ევროპის მშვიდობასა და უსაფრთხოებას" 

ამავე განცხადებაში საბერძნეთმა მოუწოდა რუსეთს:

"დაუყოვნებლივ შეწყვიტოს საომარი მოქმედებები, რომლებიც სხვა სერიოზულ შედეგებთან ერთად საფრთხეს უქმნის მშვიდობიანი მოსახლეობის სიცოცხლეს, მათ შორის უკრაინაში მცხოვრები ბერძნებს". 

 ასევე საინტერესოა 

🔵"მივმართავთ ევროკავშირს უკრაინის დაუყოვნლებივ გაწევრიანებასთან დაკავშირებით" - ზელენსკი

🔵Anonymous-მა რუსული საინფორმაციო სააგენტო Tass-ი დაბლოკა

🔵„საბერძნეთი ყოველთვის ისტორიის სწორ მხარესაა! მისია შესრულებულია"- საბერძნეთის თავდაცვის მინისტრმა უკრაინას ჰუმანიტარული დახმარება გასცა