ზელენსკი: მქონდა სატელეფონო საუბარი ურსულა ფონ დერ ლაიენთან და ვისაუბრეთ ევროკავშირში უკრაინის წევრობის შესახებ

ვოლოდიმირ ზელენსკი აცხადებს, რომ ურსულა ფონ დერ ლაიენს უკრაინის ევროკავშირში გაწევრიანების კონკრეტულ გადაწყვეტილებებზე ესაუბრა.

ამის შესახებ მან "ტვიტერში" დაწერა.

"მქონდა სატელეფონო საუბარი ურსულა ფონ დერ ლაიენთან.

ვისაუბრეთ კონკრეტულ გადაწყვეტილებებზე უკრაინის თავდაცვის შესაძლებლოების გაძლიერების, მაკროფინანსური დახმარებისა და ევროკავშირში უკრაინის წევრობის შესახებ“, - წერს ვოლოდიმირ ზელენსკი.

მანამდე „ევრონიუსთან“ ინტერვიუში ურსულა ფონ დერ ლაიენმა განაცხადა, რომ უკრაინა „ერთ-ერთი ჩვენგანია და გვინდა, რომ ევროკავშირში იყოს“.

„ბევრი საკითხია, სადაც ჩვენ (ევროკავშირი და უკრაინა) ძალიან მჭიდროდ ვმუშაობთ და მართლაც დროთა განმავლობაში, ისინი ჩვენი ნაწილი ხდებიან.

უკრაინა ერთ-ერთი ჩვენგანია და გვინდა, რომ ევროკავშირში იყოს,” – განაცხადა ევროკომისიის პრეზიდენტმა.

ბოლო მონაცემებით, უკრაინის დედაქალაქში პერიოდულად ისმის სირენების ხმა, თუმცა როგორც უკრაინის სამხედრო ძალები აცხადებენ კიევში სიტუაცია “კონტროლს ქვეშაა”, მეტროს მოქალაქეები თავშესაფრად იყენებენ.

უკრაინის შინაგან საქმეთა სამინისტროს ცნობით, რუსეთის შეჭრას უკრაინაში ამ დრომდე, სულ მცირე, 352 სამოქალაქო პირი ემსხვერპლა, მათ შორის, 14 ბავშვია.

სხვა სიახლეები:

⬛ ვებგვერდი, რომელიც დაღუპული ჯარისკაცების ამოსაცნობად შექმნა უკრაინამ, რუსეთმა დაბლოკა

⬛ რუსეთის შეჭრას უკრაინაში ამ დრომდე 352 მშვიდობიანი მოქალაქე და 14 ბავშვი ემსხვერპლა