არაერთი ქვეყანა საკუთარ მოქალაქეებს უკრაინის დატოვებისკენ მოუწოდებს - უკრაინა რუსეთთან ომის ზღვარზე

უკრაინაში რუსეთის სამხედრო ინტერვენციის გაზრდილი საფრთხის გამო, დიდი ბრიტანეთის საგარეო საქმეთა სამინისტრო საკუთარ მოქალაქეებს უკრაინის დატოვებისკენ მოუწოდებს. თუმცა, ბრიტანეთი გამონაკლისი არ არის, ვინც ასეთი მოწოდება გააკეთა. საკუთარ მოქალაქეებს ომის ზღვარზე მყოფი ქვეყნის დატოვებისკენ მოუწოდებენ ნიდერლანდები, იაპონია, სამხრეთ კორეა, დანია, ისრაელი, ესტონეთი და ნორვეგია. უსაფრთხოებისთვის სერიოზული საფრთხის შემცველი უწოდა არსებულ ვითარებას ლატვიამ.

ეს ის ქვეყნებია, რომლებიც საკუთარ მოქალაქეებს უკრაინის რაც შეიძლება სწრაფად დატოვებას ურჩევენ, ხოლო მათ, ვინც ქვეყანაში დარჩენას გადაწყვეტენ, მოუწოდებენ, თავი შეიკავონ გადაადგილებისგან. ასევე, მათ ურჩევენ წყლის, საკვები პროდუქტების, თბილი საბნების, საწვავისა და სხვა საჭიროების ნივთების მომარაგებას.

რუსეთისგან მომავალი საფრთხის გამო, აშშ-ის პრეზიდენტმა ჯო ბაიდენმა აშშ-ის მოქალაქეებს უკრაინის სასწრაფოდ დატოვება ჯერ კიდევ 9 თებერვალს ურჩია. უსაფრთხოების საკითხებში აშშ-ის პრეზიდენტის მრჩეველმა ჯეიკ სალივანმა კი, აშშ-ის მოქალაქეებს მოუწოდა, ქვეყანა 24-48 საათში დატოვონ, რადგან უკრაინაში რუსეთის შეჭრის საფრთხე ძალიან მაღალია.

🔵ჯანმო: იქნება კიდევ მეტი შტამი, რომლებიც შეშფოთებას იწვევს, ამიტომაც, ჯერ პანდემიის დასასრულს არ მივახლოებივართ

🔵"ტყისკენ წამათრია, დავჭერი დანით, საწოლზე მიმაბა… მეუბნებოდა, ფული სად არისო" - რას ჰყვება 16 წლის გოგო, რომელსაც დედ-მამა მოუკლეს?

🔵"ერთ თვეში რეინფიცირების შემთხვევები უკვე დაფიქსირდა" - თერაპევტი