"ტყისკენ წამათრია, დავჭერი დანით, საწოლზე მიმაბა… მეუბნებოდა, ფული სად არისო" - რას ჰყვება 16 წლის გოგო, რომელსაც დედ-მამა მოუკლეს?

კახეთში სავარაუდოდ, მწყემსმა ცოლ-ქმარი მოკლა.

გავრცელებული ინფორმაციით, მკვლელობას მოკლული ცოლ-ქმრის 16 წლის შვილიც შეესწრო, რომელიც დამნაშავემ თოკით დააბა, შემდეგ მშობლები დაუხოცა და ადგილიდან მიიმალა.

16 წლის არასრულწლოვანი “ტვ პირველთან” იხსენებს, რომ ჯერ მამა მოუკლა მკვლელმა ეზოში, შემდეგ დედა – სამზარეულოში, არასრულწლოვანი აიყვანა მეორე სართულზე, მიაბა საწოლზე და სთხოვდა, ეთქვა, სად ინახავდნენ მისი მშობლები 30 000 ლარს, რომელიც მისმა ოჯახმა მიიღო ნაკვეთის გაყიდვით.

მკვლელი შეიარაღებული იყო, არსებობს ვარაუდი, რომ მას წინასწარ ჰქონდა მკვლელობა დაგეგმილი.

"გაისმა თოფის ხმა, ეგრევე მოჰყვა მეორე გასროლის ხმა და გავიგე დედაჩემის ხმა…

გამოვედი და მკვლელს შევეფეთე.

ჯერ ვერც დედას ვხედავდი და ვერც მამას…

მამა დაბლა იყო, მანქანისკენ იწვა უკვე, მკვდარი იყო უკვე…

დედა სამზარეულოში იყო, მკვლელი, არ ვიცი, ყელში მწვდა, წამათრია, დანა ედო უკან, ტყისკენ მივყავი ჯერ…

დავჭერი დანით, ოდნავ…

ამიყვანა მეორე სართულზე, დამაბა, საწოლზე მიმაბა…

მეუბნებოდა, ფული სად არისო.

ვპასუხობდი, რომ არ ვიცოდი და არ იჯერებდა", - განაცხადა 16 წლის მოზარდმა "ტვ პირველთან" ინტერვიუში.

სხვა სიახლეები:

🔵 ჩემი პროფესია ჩემი თვალია, თვალი აღარ მაქვს იმისთვის, რომ ჩემი საქმე შევასრულო - 5 ივლისს დაზარალებული ოპერატორი

🔵 ე.წ. ქოლ-ცენტრების საქმეზე სახელმწიფო უსაფრთხოების სამსახური განცხადებას ავრცელებს - „სიცრუეზე აგებული კამპანია“

🔵 "მანდატის შეწყვეტის შემთხვევაში, გადაწყვეტილება პოლიტიკური დევნის ახალი ტალღა იქნება და შესაბამისად ვიმოქმედებ" - ბადრი ჯაფარიძე