გალკინის შემდეგ რუსი სამართალდამცავები ალა პუგაჩოვას პერსონით ინტერესდებიან

რუსული ესტრადის პრიმადონას, ალა პუგაჩოვას  პერსონით, სამართალდამცავი სტრუქტურები ინტერესდებიან. როგორც ქსენია სობჩაკი თავის ბლოგში წერს, რომ ამის მიზეზი, პუგაჩოვას ხმაურიანი პოსტი გახდა, რომლითაც მან ხელისუფლებას მიმართა და სთხოვდა-ქმრის მსგავსად, ისიც გამოეცხადებინათ უცხო ქვეყნის აგენტად.

მომღერალი ალა პუგაჩოვა, ქმართან, შოუმენ მაქსიმ გალკინთან ერთად, უკრაინაში ომის დაწყებიდან მალევე, რუსეთიდან წავიდა. სამშობლოში მომღერალი აგვისტოს ბოლოს, შვილებთან ერთად დაბრუნდა. რუსეთში ჯერ კიდევ არ დაბრუნებულა მაქსიმ გალკინი, რომელიც მსოფლიოს სხვადასხვა ქვეყანაში შოუებს მართავს.

ალა პუგაჩოვამ, რამდენიმე დღის წინ, ხანგრძლივი პაუზის შემდეგ დაწერა:

"მივმართავ რუსეთის საგარეო საქმეთა სამინისტროს, გთხოვთ, შემიყვანოთ უცხო ქვეყნის აგენტების სიაში, რადგან სოლიდარული ვარ ჩემი ქმრის - წესიერი, პატიოსანი და გულწრფელი ადამიანის, რუსეთის ნამდვილი და მოუსყიდველი პატრიოტის, რომელსაც მისი სამშობლოს აყვავება, მშვიდობიანი ცხოვრება და სიტყვის თავისუფლება სურს, ასევე, სურს შეწყდეს ჩვენი ჯარისკაცების დაღუპვა ილუზორული მიზნებისთვის, რაც ჩვენს ქვეყანას გარიყულს ხდის და ჩვენი მოქალაქეების ცხოვრებას ართულებს," - წერდა პუგაჩოვა.

პოლიციაში შევიდა საჩივარი, სადაც რუსეთის ერთ-ერთი მოქალაქე აღნიშნავს, რომ მომღერალი რუს ჯარისკაცებს შეურაცხყოფს. ამასთან, საჩივრის ავტორი აცხადებს, რომ პუგაჩოვა "უცხო ქვეყნებისგან მხარდაჭერას იღებს."

ასევე დაგაინტერესებთ:

🔵"კაცობრიობა მეორედ მოსვლის მოლოდინში – სატანის ხელწმიფებას მალე დაუდგება ბოლო" - იოანე სან-ფრანცისკოს მთავარეპისკოპოსი

🔵რა გელოდება დღეს? - 23 სექტემბრის ჰოროსკოპი, ზოდიაქოს ყველა ნიშნისთვის