შეზღუდვები ბრუნდება - მსოფლიოში ,,ომოკრონის" შემთხვევები იზრდება

ახალმა შტამმა ,,ომიკრონმა" მსოფლიოში პანდემიური ვითარება მნიშვნელოვნად გააუარესა, გააორმაგა როგორც ინფიცირების, ისე გარდაცვლილთა შემთხვევები. სადღესასწაულო დღეების დადგომამდე რეგულაციების გამკაცრება რიგ ქვეყნებში გარდაუვალი გახდა. მთავრობებმა ახალ შტამთან გასამკლავებლად შემოიღეს გარკვეული სახის ზომები.

ევროპა დამდეგ დღესასწაულებისთვის სხვა და სხვა ღონისძიებებს აუქმებს. დანია მზადაა ახალი რეგულაციების დასაწესებლად. ნიდერლანდების სამეფომ უკვე გაამკაცრა ზომები. ღიაა მხოლოდ გადაუდებელი საჭიროების, დანიშნულების მაღაზიები. ნიუ-იორკში ,,ომიკრონის" რეკორდული 22 000 შემთხვევა დაფიქსირდა. ისრაელმაც შემოიღო შეზღუდვები. რთული ხდება 10 ქვეყანაში მოგზაურობა, მათ შორის იტალიაშიც.

დანია ევროპაში მეორე ადგილზეა ,,ომიკრონის" გავრცელების მასშტაბით. ერთი თვით დაიკეტება კინოთეატრები, გასართობი პარკები. ბარ-რესტორნებში კი საღამოს 11 საათის შემდეგ ამოქმედდება კომენდანტის საათი.

ახალი რეგულაციები დააწესა შვეიცარიამაც. მხოლოდ ვაქცინირებულ და კოვიდგადატანილ ადამიანებს მიეცემათ სარესტორნო სერვისით სარგებლობის უფლება. აგრეთვე შეეძლებათ კინოში, მუზეუმებსა თუ ფიტნესს დარბაზებში შევიდნენ.

ამერიკაში ამ დროისთვის მცირე მასშტაბის ,,ლოკდაუნია". ჰარვარდის უნივერსიტეტმა ლექციები 21 დღის მანძილზე, იანვარში ონლაინ სივრცეში გადაიტანა. სნნ-მა დახურა ბიურო იმ თანამშრომლებისთვის, რომელთა ყოფნაც ოფისში არ წარმოადგენდა აუცილებლობას.

ნონა გედენიძე სპეციალურად exclusivetv.ge-სთვის, ემილია რომანიადან

აგრეთვე დაგაინტერესებთ:

📌 ამირან გამყრელიძე: საქართველოში გამოვლენილი "ომიკრონის" ორივე შემთხვევა მსუბუქად მიმდინარეობს

📌 გიორგი ფხაკაძე: გაიკეთეთ ფაიზერის ბუსტერი, "ომიკრონის" ვარიანტის გავრცელება, იქნება ყოველდღიურად გასამმაგებული - ანუ 10-30-90 და ასე შემდეგ...

📌 საქართველოში „ომიკრონ“ შტამით ინფიცირების ორი შემთხვევა დადასტურდა