ახლა არის ჩვეულებრივი კვების გაფართოების რეჟიმი-ექიმი სააკაშვილზე

მედიკოსთა სახელმწიფო კონსილიუმის წევრი ელენე გიორგაძე აცხადებს, რომ მიხეილ სააკაშვილთან მიმართებით კრიტიკული რეჟიმი გავლილია, ახლა არის ჩვეულებრივი კვების გაფართოების რეჟიმი. ექიმის განცხადებით, მიხეილ სააკაშვილის კვებასთან დაკავშირებით არანაირი გართულება არ ყოფილა.

„ყოველდღე ჩვენს გარდა უტარდება, სხვადასხვა ექიმების კონსულტაციაც. დღეს გასინჯული იყო ოფთალმოლოგის მიერ. მკურნალობას არ საჭიროებს, როგორც გვითხრა თვალის ექიმმა და ჩანაწერი გააკეთა ხვალ უფრო დაწვრილებით მოგახსენებთ. კალორაჟიც გაფართოვდა, რაციონიც გაფართოვდა. ნელ-ნელა შემოდის სხვადასხვა პროდუქტები კვებაში. მადლობა ღმერთს, ჯერ მისი ორგანიზმი გვაძლევს ამის საშუალებას და მივდივართ მშვიდად. არანაირი გართულებები კვებასთან დაკავშირებით არ გვქონდა. კრიტიკული პერიოდი გავლილია, ახლა არის ჩვეულებრივი კვების გაფართოების რეჟიმი. ვცდილობთ, ცოტა ხანში იყოს ნორმალური ფიზიოლოგიური კვება. მე ხშირად მაქვს მასთან კომუნიკაცია. მასთან შესვლას არავინ მიზღუდავს. კვლევები ტარდება, ყველა ანალიზი იყო დილით აღებული, შემდეგ იყო თვალის ექიმი და ყოველდღე მოდის ნევროლოგი. რაც ჰქონდა ჰოლანდიაში გამოწერილი სათვალე ეს არის, რომელიც კითხვის დროს სჭირდება. მე ვესაუბრე თვალის ექიმს, რომელმაც მითხრა, რომ არანაირი მკურნალობა არ სჭირდება თვალის ექიმის მხრიდან, ორი თვალის ექიმი იყო. ყოველდღე აქ ვარ გვიანობამდე, ყველაფერს ვესწრები, კვებას, ანალიზების გაკეთებას, თითოეული პროდუქტის დამატება ხდება მასთან შეთანხმებით, რადგან პირველ რიგში მე მჭირდება, რომ გამომყვეს პაციენტი. მე, როგორც ენდოკრინოლოგი, ვარ კმაყოფილი, რასაც მე ველოდებოდი, დღესდღეობით ეს მიღებული მაქვს“, – განაცხადა ელენე გიორგაძემ.

ასევე დაგაინტერესებთ:
🔵შე გრუ-ს ლეიტენანტო. შენ რომ ასეულ ათაობით ადამიანს იჭერდი, ათასობით ადამიანს აწამებდი და კლავდი - ირაკლი კაკაბაძე სააკაშვილზე

🔵ტიკარაძემ მარტო ამ განცხადებისთვის უნდა აგოს პასუხი-ეკა კვესიტაძე 

🔵„ერთადერთი შვილი დაკარგა, გვიჭირს, მის ოჯახს თანაგრძნობა გამოვუცხადოთ“