"არ მიმაჩნია, რომ ვინმეს უნდა გადავყვეთ, ​არც სააკაშვილს, არც გვარამიას და არც ბიძინა ივანიშვილს, ამისთვის ვბრუნდები საქართველოში და იქ დავიცავ ამ მომავალს" - პრეზიდენტის საგანგებო განცხადება ბრიუსელიდან

საქართველოს პრეზიდენტი, სალომე ზურაბიშვილი ბრიუსელიდან ევროპარლამენტის რეზოლუციასთან დაკავშირებით, მმართველი გუნდის წარმომადგენლების შეფასებებს ეხმიანება:

"მე ვიმყოფები ბრიუსელში, სადაც ჩამოვედი ჩემი ოფიციალური ვიზიტიდან, იტალიიდან იმისთვის, რომ ბოლო ძალისხმევა არ დამეშურებინა ევროკავშირის ხელმძღვანელობასთან ჩვენი კანდიდატურის მხარდასაჭერად.

სამწუხაროდ, ისეთი რეზოლუცია იქნა მიღებული და ამ რეზოლუციას მოჰყვა ისეთი კომენტარები სახელისუფლებო გუნდიდან არ მაძლევს მე საშუალებას, რომ ეფექტურად დავიცვა ჩვენი კანდიდატურა დღეს.

მე მინდოდა დღეს ჩასვლა საფრანგეთში, პოლონეთში და უკრაინაშიც, რომლის მადლიერიც უნდა ვიყოთ.

მაგრამ მივიღე კიდევ ერთი უარი ამ მოგზაურობაზე.

მე თვითონაც ამ უარის შემდეგ, რადგან მითხრეს, რომ თურმე მთავრობამ ყველაფერი გააკეთა ჩვენი კანდიდატურის მხარდასაჭერად და აღარ იყო საჭირო ზედმეტი აქტიურობა, მე თვითონაც ჩავთვალე, რომ არ არის მიზანშეწონილი, ეს არ არის საქმე, სადაც მე შემიძლია მარტომ გადავარჩინო მთლიანად მთავრობის უმოქმედობა.

მე ვთვლი, რომ ვარ პასუხისმგებელი, ყველაფერი გავაკეთო იმისთვის, რომ წინ წავწიო ეს პროცესი.

მე არ მჯერა, რომ რამე სხვა მომავალი არსებობდეს საქართველოსთვის თუ არა ევროპული მომავალი.

არ მიმაჩნია, რომ ვინმეს უნდა გადავყვეთ, ​არც სააკაშვილს, არც გვარამიას და არც ბიძინა ივანიშვილს, ამისთვის ვბრუნდები საქართველოში და იქ დავიცავ ამ მომავალს", – ამბობს ვიდეომიმართვაში სალომე ზურაბიშვილი.

ასევე დაგაინტერესებთ;

* დიმიტრი ხუნდაძე - თუ საქართველო სტატუსს უსამართლო ვალდებულებებით მიიღებს, ქვეყანამ მასზე უარი უნდა თქვას - სტატუსის მისაღებად ღირსებას ვერ დავთმობთ!