"ჩვენი მხარდაჭერა ამ ინიციატივას არ ექნება, რადგან ყველა საგამოძიებო კომისია, რომელიც მანამდე იქნა დაინიცირებული, ჩავარდა მათი პარლამენტში არ გამოცხადებით" - ლევან იოსელიანი ენმ-ს ინიციატივაზე

"ჩვენი მხარდაჭერა ამ ინიციატივას არ ექნება, რადგან ეს არის ერთი პოლიტიკური პარტიის დღის წესრიგიდან გამომდინარე ინიციატივა და ყველა საგამოძიებო კომისია, რომელიც მანამდე იქნა დაინიცირებული, ჩავარდა მათი პარლამენტში არ გამოცხადებით", - ამის შესახებ პარტია „მოქალაქეების“ წევრმა ლევან იოსელიანმა განაცხადა, რომელიც  „ნაციონალური მოძრაობის“ მიერ სააკაშვილის საქმეზე დროებითი საგამოძიებო კომისიის შექმნის ინიციატივას ეხმაურება.

როგორც იოსელიანი აცხადებს, დროებითი საგამოძიებო კომისიის შესაქმნელად "ენმ" ხმათა საჭირო რაოდენობას ვერ აგროვებს.

"რასაც დასთეს, იმას მოიმკიო. "ნაციონალურმა მოძრაობამ" არც ერთ მნიშვნელოვან საკითხზე არ ითანამშრომლა ოპოზიციის დანარჩენ ნაწილთან, მათ შორის ინსპექტორის საკითხზე არ შემოვიდნენ და მხარი არ დაუჭირეს პროტესტს, რომელსაც დანარჩენი ოპოზიცია პარლამენტში ახმოვანებდა.

ჩვენი მხარდაჭერა ამ ინიციატივას არ ექნება, რადგან ეს არის ერთი პოლიტიკური პარტიის დღის წესრიგიდან გამომდინარე ინიციატივა და ყველა საგამოძიებო კომისია, რომელიც მანამდე იქნა დაინიცირებული, ჩავარდა მათი პარლამენტში არ გამოცხადებით. მათ მხარი არ დაუჭირეს.

თუ დავუჭერთ ამის შექმნას მხარს, მაშინ დავუჭერთ მხარს  სხვა საგამოძიებო კომისიასაც, რომელიც გამოიძიებს „ნაციონალური მოძრაობის“ პერიოდში ჩადენილ ფაქტებს და გამოძიება რაღაც ჭეშმარიტებას დაადგენს.

უამრავი ფაქტი არის გამოუძიებელი და უამრავი ადამიანი მოგვმართავს, რომ „ქართულმა ოცნებამ“ არ გამოიძია მათი საქმე“, – განაცხადა ლევან იოსელიანმა.

სხვა სიახლეები:

🔳 კორონავირუსს 4 თვის ჩვილი ემსხვერპლა

🔳 დაღუპული 19 წლის მშობიარეს ოჯახი ექიმების დასჯას ითხოვს

🔳 "დედაჩემი ორი დღეა დაკარგულია, ეძებს პოლიციაც... სანამ დაიკარგებოდა თავს კარგად ვერ გრძნობდა" - ოჯახი ნათელა ღლონტს ეძებს