„დელტამიკრონი“ - ახალი შტამი, რომელიც აშშ-სა და ევროპაში დაფიქსირდა

მეცნიერებმა, სავარაუდოდ, აღმოაჩინეს კორონავირუსის ახალი შტამი - „დელტამიკრონი“, - ინფორმაციას ამის შესახებ ინფექციური პათოლოგიის და შიდსის ცენტრის დირექტორი, თენგიზ ცერცვაძე ავრცელებს.

ცერცვაძის თქმით, მარსელის ინსტიტუტის პროფესორთა ჯგუფმა გამოაქვეყნა წინასწარი მონაცემები, რომ ახალი ვარიანტი, სულ მცირე, 17 პაციენტში დააფიქსირეს - აშშ-სა და ევროპაში. აქედან 3 შემთხვევა დაფიქსირდა საფრანგეთში.

„რამდენადაც ჯერ შემთხვევების რაოდენობა მცირეა, ვერ საუბრობენ, რამდენად გადამდები იქნება ეს შტამი და რამდენად სწრაფად შეიძლება გავრცელდეს, ან რამდენად მძიმე მიმდინარეობის იქნება.

ეს შტამი უკვე გაშიფრულია - ეს არის ჰიბრიდი დელტასი და ომიკრონის, მას აქვს ომიკრონის სპაიკ ცილა, ანუ ის ნაწილი, რომელიც პასუხისმგებელია ორგანიზმში შეჭრაზე, შესაბამისად, გავრცელების სისწრაფეზე. ძირითადი ცილები კი აქვს დელტასგან. მეცნიერები ვარაუდობენ, რომ შესაძლოა, ამ შტამს ჰქონდეს ომიკრონის გავრცელების უნარი და დელტას მიმდინარეობის სიმძიმე," - აცხადებს ცერცვაძე.

ინფექციური პათოლოგიის და შიდსის ცენტრის დირექტორის თქმით, სიმპტომებთან დაკავშირებით რაიმე სიახლის შესახებ ინფორმაცია არ ვრცელდება - ახალ შტამს კორონავირუსისთვის დამახასიათებელი ჩივილები ახასიათებს. 

ასევე საინტერესოა:

🔵 თქვენი არ ვიცი და მე ყველაფერზე მეტირება… ამ კაცის სამუშაო ოთახში გაშლილ საწოლზეც კი - რას წერს ჟურნალისტი თეონა ცხომელიძე?

🔵 გიორგი წეროძე: „ტიპი გადაკეთებული მოსინით, ჟანგიანი მაკაროვით და პნევმატური თოფით იმუქრება“ - ვის ემუქრება „ალტ-ინფოს“ ლიდერი?

🔵 „გეი პარადებს რომ ჩაატარებ, რა გასაკვირია, რომ დაისაჯო და ღვთის რისხვა მოგეწიოს“ - მეუფე სპირიდონი ზელენსკიზე