დიმიტრი სამხარაძე: როცა საქართველოს ინტერესების დასაცავად, მშვიდობის შესანარჩუნებლად, ბიძინა ივანიშვილი საკუთარ კეთილდღეობას სწირავს, ასეთ დროს, ნებისმიერი არასწორი ნაბიჯი ერისკაცის და საქართველოს ღალატია

„ქართული ოცნება” იწყება და მთავრდება ბატონი ბიძინა ივანიშვილით! მე, შენ, ჩვენ, ერისკაცმა მოგვცა იმის შესაძლებლობა, რომ ჩვენს ქვეყანას გულწრფელად, ერთგულად, პატიოსნად და ღირსებით ვემსახუროთ! - წერს „ქართული ოცნების” რეგიონული მდივანი, დიმიტრი სამხარაძე, სოციალურ ქსელში.

მისი განცხადებით, მაშინ, როდესაც ბიძინა ივანიშვილი საკუთარ კეთილდღეობას და ოჯახის წევრებს რისკის ქვეშ აყენებს, ნებისმიერი არასწორი ნაბიჯი ქვეყნის და ივანიშვილის ღალატს ნიშნავს.

„ქართული ოცნება” იწყება და მთავრდება ბატონი ბიძინა ივანიშვილით! მე, შენ, ჩვენ, ერისკაცმა მოგვცა იმის შესაძლებლობა, რომ ჩვენს ქვეყანას გულწრფელად, ერთგულად, პატიოსნად და ღირსებით ვემსახუროთ! მაშინ როცა, საქართველოს ინტერესების დასაცავად, მშვიდობის შესანარჩუნებლად და საქართველოს მოსახლეობის უსაფრთხოებისათვის, ბატონი ბიძინა საკუთარ კეთილდღეობას სწირავს, რისკის ქვეშ აყენებს საკუთარი ოჯახის წევრებს, პარალელურად ვიღაცები თავისი ხუშტურების დაკმაყოფილებას იწყებენ, მოქმედებებით ზიანს აყენებენ სახელმწიფოს და ტალახში სვრიან იმ გზას, რომელიც ჩვენი ქვეყნის გაძლიერებას ემსახურება. ასეთ დროს, ნებისმიერი არასწორი ნაბიჯი ერისკაცის და საქართველოს ღალატია!” - წერს დიმიტრი სამხარაძე.