„იზოლაციის ვადის ათვლას სიმპტომების დაწყებიდან იწყებს არა მხოლოდ აშშ, არამედ ევროპის დაავადებათა კონტროლის ცენტრიც“ - ინფექციონისტი

ჩემს წინა პოსტს დავამატებ ასევე, რომ იზოლაციის ვადის ათვლას სიმპტომების დაწყებიდან (და არა დადასტურებიდან) იწყებს არა მხოლოდ აშშ, არამედ ევროპის დაავადებათა კონტროლის ცენტრიც (ECDC).
ვაქცინირებულ პირებში იზოლაციის ვადა განსაზღვრულია 6 დღით, თუ მე-6 დღეს ანტიგენი ან პისიარი უარყოფითია, - ამის შესახებ ინფექციონისტი მაია ბუწაშვილი სოციალურ ქსელში წერს.

„არავაქცინირებულებში იზოლაციის ვადა 10 დღეა, იზოლაციის ბოლოს ტესტირების გარეშე.

ასევე, როგორც ვაქცინირებულებს, ასევე არავაქცინირებულებს, თუ ბოლო 24 საათში არა აქვთ ცხელება და ზედიზედ 2 უარყოფითი ანტიგენ ან პისიარ ტესტი აქვთ ცხვირ-ხახის ნაცხში აღებულ მასალაში 24 საათიანი შუალედით, იზოლაცია აღარ სჭირდებათ.

სხვადასხვა სფეროებში კადრების დეფიციტის გამო 2022 წლის 7 იანვრის რეკომენდაციების თანახმად, ECDC დამატებით ადგენს შემსუბუქებული იზოლაციის ვადებს ჯანდაცვის მუშაკების, სატრანსპორტო და ძალოვანი სტრუქტურებისთვის.

კერძოდ, ვაქცინირებულ პირებს (თუ არის ძლიერი წნეხი ჯანდაცვის სისტემაზე და სხვა სტრუქტურებზე), იზოლაციის ვადა 3 დღემდე აქვთ შემცირებული (ბოლო 24 საათში ცხელების გარეშე) თუ მესამე დღეს ანტიგენი ან პისიარი უარყოფითია.

არავაქცინირებულებში ეს ვადა 5 დღით განისაზღვრება.

იზოლაციის ამ ვადის შემდეგ მაღალი ეფექტურობის პირბადის გამოყენება 3 ან 5 დღე, შესაბამისად.„, - წერს მაია ბუწაშვილი ფეისბუკის საკუთარ გვერდზე.

ასევე საინტერესოა:

🔵 სრულიად არასაჭიროდ გვყავს ხალხი გამოკეტილი - მაია ბუწაშვილი იზოლაციისა და კარანტინის ვადებზე

🔵 „ჟურნალისტები ომს გამოუცხადებენ მთავრობას - ისინი გარეთ გამოდიან“ - რას წერს ლელა კაკულია

🔵 საბერძნეთმა შეამსუბუქა ქვეყანაში შესვლის რეგულაციები საქართველოსთვის და ევროკავშირის არაწევრი სხვა 32 ქვეყნისთვის