ლადო სადღობელაშვილი კაია კალასის განცხადებაზე: ახალი ყაიდის ევროპელებს, რომლებიც, ჩემი შეფასებით, ე.წ. „ომის პარტიას“ წარმოადგენენ, ერთი რამ ვერ გაუგიათ - ეს საქართველოა და სწორედ საქართველოს მოქალაქეები წყვეტენ, ვის მიანიჭონ ქვეყნის მართვის მანდატი

ანალიტიკოსი ლადო სადღობელაშვილი ევროკავშირის უმაღლესი წარმომადგენლის, კაია კალასის განცხადებას სოციალურ ქსელში ეხმიანება, რომელშიც ნათქვამია, რომ „საქართველოს მთავრობასთან კავშირი პრაქტიკულად არ გვაქვს და არც მისი მხარდაჭერა გვსურს - გვსურს მხარი დავუჭიროთ ქართველ ხალხს“.

მისი თქმით, მთავარი კითხვა ის არის, თუ რომელ „ხალხზე“ საუბრობს კაია კალასი, როდესაც საქართველოს მხარდაჭერას ახსენებს, რადგან საქართველოს ხელისუფლების ფორმირება მხოლოდ ქართველი ამომრჩევლის გადასაწყვეტია და ამ პროცესში გარე ჩარევის მცდელობა მიუღებელია.

„რა კარგი განცხადება იქნებოდა ქვეტექსტში რომ არ იკითხებოდეს რევანშიზმი! აქ საკითხავი ისაა რომელი “ხალხის” მხარდაჭერა სურს ქბნ კალასს ? იმ ხალხის ვინც არსებული მთავრობა აირჩია თუ მათი ვინც არსებულ მთავრობას წელიწადში ორჯერ (მინიმუმ) აჯანყებას უწყობს?! ახალი ყაიდის ევროპელებს რომლებიც ე.წ ომის პარტიას წარმოადგენენ ერთი რამე ვერ გაუგიათ - ეს საქართველოა, აქ ქართველების მიწაა, აქ ჩვენ საქართველოს მოქალაქეები ვირჩევთ ვის მივანიჭოთ-გადავცეთ მართვის მანდატი! ვის რაში სჭირდება თქვენი არაფრის მომცემი მხარდაჭერა?! ყველაფრით უზრუნველყოფილ საქართველოს გაღატაკების პირას მისული ლიბერასტული ევროპის მხარდაჭერა არაფერში სჭირდება! თქვენ თავს მიხედეთ ჯობია!“, - წერს სადღობელაშვილი.