ლევან მახაშვილი ეუთოს საპარლამენტო ასამბლეის რეზოლუციაზე: საერთაშორისო სამართლის რღვევის პროცესში თავად ეუთოს წევრმა სახელმწიფოებმა შეიტანეს მნიშვნელოვანი წვლილი

ნამდვილად ბევრი დასკვნის გამოტანა შეგვიძლია ამ კონკრეტული ასამბლეისდან. ყველაზე საშიში რაც მოხდა ამით [რეზოლუციით], იყო ის, რომ, შეგვიძლია ვთქვათ, რომ დასრულდა საერთაშორისო სამართლის მოქმედება, - განაცხადა გადაცემაში „EURO ანატომია“ ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა საქართველოს საკითხზე კრიტიკულ რეზოლუციაზე საუბრისას, რომელიც გასულ კვირაში ეუთოს საპარლამენტო ასამბლეამ მიიღო.

მისივე თქმით, საერთაშორისო სამართლის რღვევის პროცესში თავად ეუთოს წევრმა სახელმწიფოებმა შეიტანეს მნიშვნელოვანი წვლილი.

„ეუთოს წევრმა სახელმწიფოებმა შიგნიდან გამოარღვიეს და დაშალეს ეს ორგანიზაცია. ეუთო შეიქმნა საერთაშორისო სამართლის 10 ძირითადი პრინციპის მიხედვით, ორი მათგანი არის სუვერენიტეტის პატივისცემა და სხვის საქმეებში ჩარევისგან თავშეკავება. ამ რეზოლუციებმა და ამ დეკლარაციამ ფაქტობრივად, წერტილი დაუსვა ამ პროცესს.

ზოგადად, ეს არის საშიში პროცესი, რადგან საერთაშორისო სამართალთან ერთად სამწუხაროდ, მისი დაცვისთვის შექმნილი ორგანიზაციებმაც ფუნქცია დაკარგეს და გადაიქცნენ პოლიტიკური შურისძიების იარაღად. ეს არის ფუნქციადაკარგული ორგანიზაციები, რომლებიც ნაცვლად იმისა, რომ იცავდნენ მშვიდობას, იცავდნენ და აძლიერებდნენ დიალოგს, თანამშრომლობას, გადაიქცნენ რაღაც პოლიტიკური ანგარიშსწორების არენად“, - აღნიშნა ლევან მახაშვილმა.