ლევან მაჭავარიანი: ეს ოთხივე რადიკალური პარტია იმართება ერთი და იგივე ვერტიკალიდან, თუმცა თავისთავად მათ შიდა დაპირისპირება აქვთ, როგორც პარტიებს ერთმანეთში, ისე უშუალოდ ამ პარტიის წევრებსაც

„ეს ოთხივე რადიკალური პარტია იმართებიან ერთი და იგივე ვერტიკალიდან, თუმცა თავისთავად მათ შიდა დაპირისპირება აქვთ როგორც ამ ოთხ პარტიას ერთმანეთში, ისე უშუალოდ ამ პარტიის წევრებსაც,“ - აცხადებს პარლამენტის ფრაქცია „ქართული ოცნების“ თავმჯდომარის მოადგილე ლევან მაჭავარიანი.

მაჭავარიანის თქმით, როგორი კონფიგურაციითაც არ უნდა წარდგეს ოპოზიცია, „ქართული ოცნება“ ყველა სცენარისთვის მზად არის.

„ვხედავთ, რომ ეს ხელოვნურად წარმართული პროცესი არის. ეს ოთხივე რადიკალური პარტია იმართებიან ერთი და იგივე ვერტიკალიდან, თუმცა თავისთავად მათ შიდა დაპირისპირება აქვთ როგორც ამ ოთხ პარტიას ერთმანეთში, ისე უშუალოდ ამ პარტიის წევრებსაც.

ჩვენ ვიხილეთ რამდენიმე წევრმა გახარიას პარტია დატოვა, „ლელოს“ პარტია და ა.შ. ვინაიდან ეს ბუნებრივი პროცესია, რა თქმა უნდა, ყველას სურს, რომ იყოს ფავორიტი იმ გარე ძალებისთვის, ვისაც ჩვენ, პირობითად, გლობალური ომის პარტიას ვუწოდებთ, ხოლო ბატონი ტრამპის ადმინისტრაცია „დიფ სთეითს“ უწოდებს.

რა თქმა უნდა, ყველას სურს ფავორიტობა, ფავორიტს უფრო მეტი დაფინანსება აქვს, უფრო მეტი მხარდაჭერა და ა.შ. შესაბამისად, რა თქმა უნდა, შიდა დაძაბულობა არსებობს, თუმცა საბოლოო კონფიგურაცია როგორი იქნება ჯერ არ ვიცით, უნდა დაველოდოთ რა თქმა უნდა. თუმცა, „ქართული ოცნება“ მზად ვართ ნებისმიერი კონფიგურაციისთვის და სცენარისთვის, ჩვენ უკვე მზადება და საშტაბო მუშაობა დაწყებული გვაქვს დიდი ხნის.

შესაბამისად, როგორი კონფიგურაციითაც არ უნდა წარსდგეს ოპოზიცია, გააერთიანებენ მათ, თუ კიდევ ერთხელ დაშლიან თუ ა.შ. რა თქმა უნდა ყველა სცენარისთვის მზად ვართ და ძალიან დიდი ანგარიშით გპირდებით მათ დამარცხებას“, - აღნიშნა მაჭავარიანმა.