ლევან მაჭავარიანი: გარე აქტორებს არ აწყობთ, რომ გამჭვირვალე იყოს ის ფული, რაც ტრიალებს მდიდარი „ენჯეოების“ ხელში, რადგან ისინი გარე აქტორებისთვის არიან ინსტრუმენტები, ქვეყანაში მოახდინონ ქაოსი

„გარე აქტორებს არ აწყობთ, რომ გამჭვირვალე იყოს ის ფული, რაც ტრიალებს მდიდარი „ენჯეოების“ ხელში, რადგან ისინი გარე აქტორებისთვის არიან ინსტრუმენტები, ქვეყანაში მოახდინონ ქაოსი“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

„გარკვეულ ჯგუფზეა საუბარი, რომელმაც ეს დასკვნა დადო. ეს კიდევ ერთხელ მიუთითებს მათ ორმაგ სტანდარტზე, ვინაიდან, როდესაც ისინი აკრიტიკებენ კონკრეტულად „ფარას“ კანონს, რომელიც ჩვენ სიტყვასიტყვით გადმოვიღეთ აშშ-დან, სასპეკულაციო არავის დავუტოვეთ (დღევანდელი რედაქციით, რა კანონიც მოქმედებს აშშ-ში, იგივე კანონი მოქმედებს საქართველოში), ამის მიუხედავად, აკრიტიკებენ „ფარას“ კანონს საქართველოს შემთხვევაში და ხმას არ იღებენ ამერიკასთან დაკავშირებით.

ეს ყველაფერი არის აბსურდი, უბრალოდ ვიღაც-ვიღაცებს, გარე აქტორებს არ აწყობთ ის, რომ გამჭვირვალე იყოს ის ფული, რა ფულიც ტრიალებს მდიდარი „ენჯეოების“ ხელში, ვინაიდან ეს მდიდარი „ენჯეოები“ გარე აქტორებისთვის არის ერთ-ერთი ინსტრუმენტი, რომ ქვეყანაში მოახდინონ ქაოსი, გაზარდონ პოლარიზაცია და დაგეგმონ რევოლუციური სცენარები“, - აღნიშნავს ფრაქცია „ქართული ოცნების“ თავმჯდომარის მოადგილე.