მკვლელი ნარკოტიკი, რომლის ზედოზირებამ და სიკვდილმა ეპიდემიის სახე მიიღო - ნარკოლოგი ზურაბ სიხარულიძე საგანგაშო ინფორმაციას ავრცელებს

მკვლელი ნარკოტიკი, რომლის ზედოზირებამ და სიკვდილმა ეპიდემიის სახე მიიღო,- ნარკოლოგი ზურაბ სიხარულიძე საგანგაშო ინფორმაციას ავრცელებს.

„თეთრი ჩინელი„ ასე უწოდებენ მას რუსეთში და პოსტსაბჭოთა სივრცეში," - წერს სოციალურ ქსელში ზურაბ სიხარულიძე.

„ფენტანილი და მისი ანალოგები არის სინთეზური ოპიატები ისევე, როგორიც არის კარფენტანილი, რემფენტანილი და სხვა. ის 10000 ჯერ უფრო ძლიერია ვიდრე მორფინი და 1000 ჯერ უფრო ძლიერი ვიდრე სამედიცინო ჰეროინი.

დღეს მსოფლიოში  კარფენტანილით ზედოზირებამ  და სიკვდილმა ეპიდემიის  სახე მიიღო. ის რომ კარფენტანილი არის საქართველოში ეს ეჭვს არ ბადებს, ოღონდ რა რაოდენობით, ვინ მოიხმარს და რა სახით, სამწუხაროდ დღეს არავინ  იცის.

შავ ბაზარზე რა ხდება ვერცერთი ექსპერტი და ვერც ხელისუფლება ვერ იტყვის რადგან ეს მხოლოდ ეჭვებზე და ვარაუდებზე არის დაფუძნებული და არანაირი კვლევა არ ტარდება. ის ფაქტი რომ კონტროლი რთულია ესეც მართალია, ის იყიდება ინტერნეტ პლატფორმებზე და მისი მოპოვება არც ისე რთულია!!

ეს არის მთელი მსოფლიოს პრობლემა და ჩვენ გამონაკლისი არ ვართ!

„თეთრი ჩინელი“ ასე უწოდებენ მას რუსეთში და პოსტსაბჭოთა სივრცეში. რატომ ასაღებენ მას და ურევენ სხვა სტიმულატორებში? ვინაიდან თავისი სტრუქტურიდან და ბიოქიმიიდან გამომდინარე ის თავიდან როგორც სტიმულატორი მოქმედებს, მერე ადამიანი გადადის ღრმა ძილში და ვითარდება  ოპიატებისთვის დამახასიათებელი ზედოზირების ნიშნები- სუნთქვის და გულ-სისხლძარღვთა უკმარისობა, კომა და სიკვდილი!!

რა უნდა გავაკეთოთ რომ ეს არ მოხდეს?

1. არ მივიღოთ უცნობი ნარკოტიკი რომელსაც ასაღებენ, როგორც უვნებელ და გასართობ საშუალებად!! ყველაზე დიდი საფრთხეში არის ის ვინც რეკრეაციული მიზნით მოიხმარს ნარკოტიკს, რადგან ტოლერანტობა აქვს ნარკოტიკის მიმართ პრაქტიკულად ნული!

2. ვეცადოთ გამოვიყენოთ ტესტები, რომლებიც გვანახვებს რა  სახის ნარკოტიკია. ეს დღეს შესაძლებელია საქართველოში და შეგიძლიათ მიმართოთ ორგანიზაცია მანდალა • Mandala, რომელიც ანონიმურად დაგეხამრებათ  ამ საკითხებში გაგიწევთ კონსულტაციას - რა ზიანი მოაქვს ამა თუ იმ ნარკოტიკს და როგორ უნდა მოიქცეთ რთულ სიტუაციაში.

3. თუ შენიშნეთ რომ ცუდად ხდებით და ძილისკენ

მიდიხართ ან ძლიერი სისუსტე გაქვთ,  ეცადეთ არ დარჩეთ მარტო და სთხოვეთ  თქვენ ახლობლებს მარტო არ დაგტოვონ,  ნუ აჰყვებით პანიკას თუ მარტო ხართ, არ ჩაიკეტოთ ოთახში, სთხოვეთ ვინმეს  რომ რაღაცა დროის შემდგომ გადმოგირეკონ და მოგიკითხონ.

4. გამოიძახეთ სასწრაფო დახმარების ბრიგადა, ნუ გეშინიათ, ნუ ეჩხუბებით ოპერატორს, ეცადეთ სწორედ უთხრათ სად ხართ, თუ თქვენ არ შეგიძლიათ სთხოვეთ თქვენს ახლობელს მეგობარს ვინც იცის სად ხართ და აუხსნის ყველაფერს.

5. გამოიყენეთ ნალოქსონი (ნარკანი)თუ გაქვთ! გაუფრთხილდით თავს ნარკოტიკთან თამაში არ მთავრდება კარგად!! მით უმეტეს თუ არ იცით რა არის! ჯანსაღი ცხოვრების  წესს ალტერნატივა არა აქვს! იპიატიდა მისი ანალოგები იწვევენ ზედოზირებას და არის ყველაზე საშიში ნარკოტიკი და იწვევს სუნთქვის და შემდგომ გულ-სისხლძარღვთა მწვავე უკმარისობას სიკვდილი შეიძლება დადგეს ნებისმიერი მოხმარების და დოზის  დროს!!!“

წერს ნარკოლოგი ზურაბ სიხარულიძე.

ასევე საინტერესოა:

🔵 ბავშვები ცეცხლსასროლი იარაღით მოკლეს, არიან დაჭრილები - ყაზახეთში შეტაკებები გრძელდება

🔵 აღარ გვყავს კიდევ ერთი ემიგრანტი, ძალიან კარგი თბილი სიცოცხლით სავსე, ყურადღებიანი ადამიანი...

🔵 მას ორი ტყვია მოხვდა - 22 წლის ქართველი დაიღუპა ყაზახეთში