ბავშვები ცეცხლსასროლი იარაღით მოკლეს, არიან დაჭრილები - ყაზახეთში შეტაკებები გრძელდება

ყაზახეთში საპროტესტო შეტაკებების დროს ორი ბავშვი დაიღუპა, არიან დაჭრილები.  

2 ბავშვი ალმათიში ცეცხლსასროლი იარაღით მიყენებული ჭრილობის შედეგად გარდაიცვალა, - ამის შესახებ ყაზახეთში ბავშვთა ომბუდსმენმა, არუჟან საინმა განაცხადა.

„5 იანვარს ალმათიში ცეცხლსასროლი იარაღით მიყენებული ჭრილობებით ბავშვი გარდაიცვალა. მშობლები შვილებთან ერთად სეირნობდნენ, როცა გასროლის ხმა გაისმა, რაც 11 წლის მოზარდისთვის საბედისწერო გახდა“, - თქვა არუჟან საინმა.

ასევე, ბავშვთა ომბუდსმენის ინფორმაციით, ახლა ექიმები 15 წლის ბავშვის სიცოცხლის გადასარჩენად იბრძვიან.

„7 იანვარს 15 წლის მოზარდი მძიმე ცეცხლსასროლი იარაღით მიყენებული ჭრილობებით ალმათის ერთ-ერთ ბავშვთა საავადმყოფოში გადაიყვანეს, ექიმები მისი სიცოცხლისთვის იბრძვიან. მოზარდი მამასთან ერთად მანქანით გადაადგილდებოდა, როცა მათ მანქანას ესროლეს“, - თქვა ომბუდსმენმა.

მედიაში გავრცელებული, თუმცა დაუდასტურებელი ინფორმაციით, აქციების დროს 17 წლის გოგონა დაიღუპა. ამის შესახებ ადგილობრივი სააგენტო KazTAG იტყობინება.

გუშინ ცნობილი გახდა, რომ 22 წლის ქართველი დაიღუპა ყაზახეთში, მასთან ერთად დაიჭრა მისი ორი მეგობარი. ინფორმაციას ისრაელის საგარეო საქმეთა სამინისტრო ავრცელებს.

წყარო: globalhappenings.com

მსგავსი თემები:

🔵 მას ორი ტყვია მოხვდა - 22 წლის ქართველი დაიღუპა ყაზახეთში

🔵 ყაზახეთში, პროტესტის დროს 5 800 ადამიანი დააკავეს

🔵 BBC: ყაზახეთში რუსეთი გაგზავნის 45-ე ბრიგადას, რომელიც 2008 წლის აგვისტოს ომში იბრძოდა