მუნიციპალური განვითარების ფონდი - რაგბის 14 სტადიონის მშენებლობისთვის ტენდერი გამოცხადდა

რაგბის 14 სტადიონის მშენებლობისთვის ტენდერი გამოცხადდა. ინფორმაციას ამის შესახებ მუნიციპალური განვითარების ფონდი ავრცელებს.

მათივე ინფორმაციით, რეგიონში თანამედროვე სტანდარტების შესაბამისი სარაგბო მოედნების მშენებლობა თბილისსა და რეგიონებში დაიწყება.

„დაგეგმილია 12 ხელოვნურსაფარიანი მოედნის აშენება: თბილისის ზღვის მიმდებარედ, ფონიჭალაში, თბილისის 180-ე საჯარო სკოლის ტერიტორიაზე, მცხეთის მუნიციპალიტეტის სოფელ წეროვანში, წყალტუბოში, გურჯაანში, საჩხერეში, ყაზბეგის მუნიციპალიტეტის დაბა სტეფანწმინდაში, ლენტეხში, ამბროლაურში, ხაშურის მუნიციპალიტეტის დაბა სურამში და ცაგერის მუნიციპალიტეტის სოფელ ორბელში.

ქუთაისში და წყალტუბოს მუნიციპალიტეტის სოფელ გუმბარაში, კი, მუნიციპალური განვითარების ფონდი, გეგმავს რაგბის ბუნებრივსაფარიანი სტადიონების მშენებლობას. გარდა ამისა, დაგეგმილია ქუთაისის „აიას“ სტადიონისა და თბილისში, ავჭალაში მდებარე სტადიონის რეაბილიტაცია.

ვარკეთილში კი აშენდება 2000 მაყურებელზე გათლილი ახალი, ბუნებრივ საფარიანი სტადიონი, რომელიც საერთაშორისო თამაშებსაც მოემსახურება. ქვეყნის მასშტაბით სარაგბო მოედნების მშენებლობა ხელს შეუწყობს სპორტული ინფრასტრუქტურის განვითარებას, ახალგაზრდებში ჯანსაღი ცხოვრების წესის დამკვიდრებას და ქვეყნის სარაგბო ტრადიციების კიდევ უფრო გაძლიერებას“, – ნათქვამია მუნიციპალური განვითარების ფონდის გავრცელებულ ინფორმაციაში.