პარლამენტის საშემოდგომო სესია მიმდინარე კვირას გაიხსნება

პარლამენტის საშემოდგომო სესია, სამშაბათს 2 სექტემბერს გაიხსნება, დღეს კი საპროცედურო საკითხთა და წესების, ასევე იურიდიულ საკითხთა კომიტეტისა და ბიუროს სხდომები გაიმართება. სწორედ საპროცედურო საკითხთა და წესების კომიტეტზე განიხილავენ ანრი ოხანაშვილისთვის უფლებამოსილების ვადამდე შეწყვეტის საკითხს.

სახელმწიფო უსაფრთხოების სამსახურის ხელმძღვანელის თანამდებობაზე მას საპარლამენტო უმრავლესობის ლიდერი, ფრაქცია „ქართული ოცნების“ თავმჯდომარე და პარტიის აღმასრულებელი მდივანი მამუკა მდინარაძე შეცვლის.

განიხილავენ სხვა მნიშვნელოვან საკითხებსაც. გიორგი გახარიას პარტიის წევრებისთვის საპარლამენტო უფლებამოსილების შეწყვეტის შემდეგ, საპროცედურო საკითხთა კომიტეტზე დღეს მათი ადგილმონაცვლეების საკითხს განიხილავენ. საკანონმდებლო ორგანოს პრინციპების გათვალისწინებით, საგაზაფხულო სესიაზე გიორგი გახარიას და მისი პარტიის წევრების შეწყვეტილი მანდატები, პარლამენტის ახალი წევრებით ჩანაცვლდება. შესაბამისად, საპროცედურო საკითხთა და წესების კომიტეტი 12 ახალ ადგილმონაცვლეზე იმსჯელებს, ხოლო საბოლოო გადაწყვეტილება პლენარულ სხდომაზე მიიღება.

გახარიას პარტიის 12 წევრისთვის სადეპუტატო უფლებამოსილების ვადამდე შეწყვეტის საფუძველი, პარლამენტის სხდომების არასაპატიო მიზეზით გაცდენა გახდა.