საქართველოდან გერმანიაში შესვლა კვლავ მხოლოდ აცრილებს შეუძლიათ

"გერმანიის შესაბამისმა უწყებებმა გვაცნობეს, რომ საქართველოდან გერმანიაში შესვლა ამ ეტაპზე კვლავ მხოლოდ მინიმუმ ორი დოზით აცრილი პირებისთვის არის შესაძლებელი" - ინფორმაციას ამის შესახებ საქართველოში გერმანიის საელჩო ავრცელებს.

როგორც განცხადებაშია აღნიშნული, "ვაქცინა აღიარებული უნდა იყოს ევროკავშირის მიერ".

რაც იმას ნიშნავს, რომ გერმანიაში საქართველოდან ტურისტული მიზნით გამგზავრება კვლავ მხოლოდ იმ ადამიანებს შეუძლიათ, ვინც ასტრაზენეკას და ფაიზერის ვაქცინებით არიან აცრილები. 

ცნობისთვის, 31 მაისს საელჩომ გაავრცელა ინფორმაცია, რომ 1-ლი ივნისიდან საქართველოდან გერმანიაში შესვლის მსურველებისთვის ყველა Covid - რეგულაცია უქმდებოდა. საელჩოს ცნობით, მგზავრებისთვის აღარ იქნებოდა სავალდებულო აცრის, გამოჯანმრთელების ან ჩატარებული ტესტის საბუთის წარდგენა.

"გაუქმდა ინფექციისგან დაცვისათვის შექმნილი მაღალი რისკის მქონე ქვეყნების სია, რადგან ომიკრონი უფრო იშვიათად იწვევს დაავადების რთულ ფორმებს.

ვაქცინაციის საბუთი საჭიროა მხოლოდ იმ პირთათვის, ვინც გერმანიაში ჩადის ქვეყნებიდან, სადაც მოხდა ვირუსის მუტაცია. ამ შემთხვევაში შესვლა შესაძლებელი ხდება მსოფლიო ჯანდაცვის ორგანიზაციის მიერ ჩამოთვლილი ყველა ვაქცინით" - წერდა გერმანიის საელჩო საქართველოში.

ასევე საინტერესოა:

🔵 ოჯახის წევრები და მეგობრები ვარაუდობენ, რომ ილია ელოშვილის გარდაცვალების მიზეზი უბედური შემთხვევა გახდა

🔵 რატომ არ წარმოადგენს 1980 წლამდე დაბადებული ადამიანებისთვის „მაიმუნის ყვავილი“ საშიშროებას?

🔵 IDFI: 2017-2021 წლებში ავტოსაგზაო შემთხვევების შედეგად დაიღუპა 2356 ადამიანი